2026 ලංකා ප්රිමියර් ලීග් තරගාවලියේ ක්රීඩක කෙටුම්පත් කිරීම (Player Draft) එළඹෙන ජූනි 01 වනදා පස්වරුවේ කොළඹ දී පැවැත්වෙනවා.
මෙවර ක්රීඩක කෙටුම්පත් කිරීම වෙනුවෙන් දේශීය ක්රීඩකයින් 179ක් සහ විදේශීය ක්රීඩකයින් 242ක් සමඟින් සමස්ථ ක්රීඩකයින් 421ක් ඇතුළත්ව සිටිනවා.
තෝරාගෙන ඇති සියලුම දේශීය සහ විදෙස් ක්රීඩකයින් ප්ලැටිනම්, ගෝල්ඩ්, ක්ලැසික්, නැගීඑන සහ ඇසෝසියේට් ස්ටාර්ස් ලෙස කාණ්ඩ කිහිපයක් යටතේ වර්ග කර තිබෙනවා.
එහිදී දේශීය ක්රීඩකයින්ගෙන් 17ක් ප්ලැටිනම් කාණ්ඩයට ඇතුළත්ව ඇති අතර, ගෝල්ඩ් කාණ්ඩයට ක්රීඩකයින් 34ක්, ක්ලැසික් කාණ්ඩයට ක්රීඩකයින් 80ක් සහ නැගීඑන කාණ්ඩයට ක්රීඩකයින් 48ක් ඇතුළත්.
ඊට අමතරව විදේශීය ක්රීඩකයින්ගෙන් 31ක් ප්ලැටිනම් කාණ්ඩයට ඇතුළත්ව ඇති අතර, ගෝල්ඩ් කාණ්ඩයට ක්රීඩකයින් 64ක් ඇතුළත්.
එමෙන්ම තවත් ක්රීඩකයින් 99ක් ක්ලැසික් සහ ක්රීඩකයින් 48ක් ඇසෝසියේට් ස්ටාර්ස් කාණ්ඩයට ඇතුළත්කර තිබෙනවා.
2026 එල්.පී.එල් තරගාවලිය එළඹෙන ජූලි මස 17 වනදා සිට අගෝස්තු මස 08 වනදා දක්වා පැවැත්වීමට නියමිතයි.
