2026 FIFA පාපන්දු ලෝක කුසලාන තරගාවලියේ මෙතෙක් වාර්තා වූ විශාලතම පෙරළිය සිදුකරන්නට පාපන්දු ලෝක කුසලානයට මුල්වරට සුදුසුකම් ලැබූ කේප් වර්ඩ් රාජ්‍යයට ඊයේ හැකියාව ලැබුණා.
ඒ ලෝක පාපන්දු ශ්‍රේණිගත කිරීම් හි මේ වනවිට දෙවන ස්ථානයේ පසුවන ප්‍රබල ස්පාඤ්ඤ කණ්ඩායම සමඟ පැවති තරගය ගෝල රහිතව සම තත්ත්වයෙන් අවසන් කරමින්.
ඇමරිකාවේ ඇට්ලන්ටා හිදී H කාණ්ඩයේ තරගයක් ලෙස පැවති මෙම තරගය ප්‍රබල ස්පාඤ්ඤ කණ්ඩායමට එරෙහිව කේප් වර්ඩ් කණ්ඩායම දරුණු පාරජයක් උරුමකරගනු ඇති බවයි බොහෝ ප්‍රේක්ෂකයින් බලාපාරොත්තු වුණේ.
කෙසේ වෙතත් ස්පාඤ්ඤයේ ප්‍රබල ආක්‍රමණය හමුවේ නොසැලී සිටීමට මෙම අප්‍රිකානු ‘නිල් මෝරු’ සමත්වීම පාපන්දු ලෝකයේ විශාල අවදානයක් යොමුවුණා.
මෙම තරගයේ දී ස්පාඤ්ඤ ආක්‍රමණය ඉදිරියේ වීරයා බවට පත්වන්නට කේප් වර්ඩ් ගෝල රකින්නා වන 40 හැවිරිදි වොසින්හාට හැකියාව ලැබුණා.
ස්පාඤ්ඤ ඉදිරිපෙළ ප්‍රහාරකයින් විසින් කේප් වර්ඩ් දැලවෙත එල්ල කළ ඉලක්කගත වූ ප්‍රහාර හතක්ම සුරැකිව රැක ගන්නට වොසින්හාට ඊයේ රාත්‍රියේ හැකියාව ලැබුණේ ස්පාඤ්ඤය බලාපොරොත්තු වූ පහසු ජයග්‍රහණය සුනු විසුණු කරමින්.
තරගය අවසන් වෙත්ම වොසින්හා හැඟීම්බරව හඬාවැටෙද් දී අනෙකුත් කේප් වර්ඩ් ක්‍රීඩකයෝ ඔහුව වැළඳගනිමින් සිය කණ්ඩායම සිදුකළ පෙරළියේ සතුට සැමරුවා.
මේ අතර මෙම තරගයේ වීරයා වූ වොසින්හාට නොසිතූ ප්‍රේක්ෂක ආදරයක් තරගයෙන් අනතුරුව සමාජ් මාධ්‍ය ඔස්සේ ගල එන්නට වුණා.
එහි ප්‍රතිඵලයක් ලෙස තරගයට පෙර 50,000 පමණ වූ ඔහුගේ ඉන්ස්ටග්‍රෑම් ගිණුමේ අනුගාමිකයින් සංඛ්‍යාව මේ වනවිට මිලියන 04 සීමාව ඉක්මවා ගොස් තිබෙනවා.
