සිව්වැනි ඉන්දියා-අප්රිකා සමුළුව (IAFS-IV) 2026 මැයි 28 සිට 31 දක්වා නවදිල්ලි නුවරදී පැවැත්වීමට කටයුතු සූදානම් කර තිබෙනවා.
වසර 11 ක දිගු නිහැඬියාවකට පසු, අප්රිකානු සංගමයේ (African Union) සහයෝගීතාවයෙන් යුතුව පැවැත්වෙන මෙම සමුළුව, ගෝලීය දකුණේ (Global South) පැරණි යටත් විජිතයන්ට සම්පත් සූරාකෑමෙන් ඔබ්බට ගිය නව සහයෝගීතා මාවතක් නිර්මාණය කිරීමට ලැබුණු සුවිශේෂී අවස්ථාවක් ලෙස සැලකෙනවා.
මෙවර සමුළුව පැවැත්වෙන්නේ “IA SPIRIT” හෙවත් නවෝත්පාදනය, ඔරොත්තු දීමේ හැකියාව සහ ඇතුළත් ප්රගමනය සඳහා වූ ඉන්දියා-අප්රිකා උපායමාර්ගික හවුල්කාරිත්වය යන තේමාව යටතේයි.
2023 වසරේ ඉන්දියාවේ මූලිකත්වයෙන් අප්රිකානු සංගමයට G20 ස්ථිර සාමාජිකත්වය හිමිවීමෙන් පසු පැවැත්වෙන පළමු සමුළුව මෙය වීම ද විශේෂත්වයක්.
ඉන්දියාව මෙවර අවධාරණය කරන්නේ අප්රිකාවෙන් අමුද්රව්ය පමණක් අපනයනය කරනු වෙනුවට, අප්රිකානු පසෙහිම දේශීය සැකසුම්, පිරිපහදු සහ නිෂ්පාදන කර්මාන්තශාලා පිහිටුවීම පිළිබඳවයි.
එමෙන්ම සැම්බියාව සහ නැමිබියාව වැනි රටවල පවතින ලිතියම් සහ දුර්ලභ පෘථිවි මූලද්රව්ය (Rare-earth) කෙරෙහි ඉන්දීය සමාගම් දැඩි උනන්දුවක් දක්වන අතර, ඒ ආශ්රිත බැටරි ප්ලාන්ට් සහ පුනර්ජනනීය බලශක්ති දාමයන් ඇති කිරීමට සැලසුම් කර තිබෙනවා.
දැනටමත් ඉන්දියාව විසින් අප්රිකානු රටවල් 43 ක් සඳහා ඩොලර් බිලියන 12 කට අධික සහනදායී ණය ආධාර (Lines of Credit) ලබා දී ඇති අතර, සාර්ථකව අවසන් කර ඇති ව්යාපෘති ගණන 200 කට අධිකයි.
තොරතුරු තාක්ෂණ හා ඩිජිටල් සේවා ක්ෂේත්රයේ ප්රමුඛයෙකු වන ඉන්දියාව, කෘත්රිම බුද්ධිය (AI) සහ ඩිජිටල් පොදු යටිතල පහසුකම් අප්රිකානු සමාජ-ආර්ථික සංවර්ධනය සඳහා යොදා ගැනීමට බලාපොරොත්තු වනවා.
මෙම සමුළුව ප්රංශය වැනි බටහිර බලවතුන් අප්රිකාව තුළ පවත්වන සමුළුවලට සාපේක්ෂව වඩාත් ප්රායෝගික සහ පුරවැසි-කේන්ද්රීය මුලපිරීමක් වනු ඇතැයි අපේක්ෂිතයි.
