විස්සයි20 ලෝක කුසලාන ක්රිකට් තරගාවලියේ පළමු අවසන් පූර්ව තරගය නවසීලන්තය සහ පාකිස්තානය අතර අද (9) පැවැත්වේ.
සුපිරි 12 වටයේ පළමු කාණ්ඩයෙන් තරග කළ නවසීලන්තය එක් තරගයක් පමණක් පරාජය වෙමින් ප්රසාද ලකුණු සටහනේ පෙරමුණ ගනිමින් පළමු අවසන් පූර්ව තරගයේ ස්ථානයක් වෙන් කර ගත් අතර, සුපිරි 12 වටයේ පළමු තරග දෙක පරාජය වුවද සෙසු තරග 3 ජය ගනිමින් දෙවැනි කාණ්ඩයේ දෙවැනි ස්ථානයෙන් බාබර් අසාම් නායකත්වය දෙන පාකිස්තානය අවසන් පූර්ව වටයට එක් විය.
විස්සයි20 ලෝක කුසලාන තරගාවලියක නවසීලන්තය අවසන් පූර්ව වටයට එක් වූ සිවුවැනි අවස්ථාව මෙයයි.ඉන් අවස්ථා 3ක් පිට පිටම වීම විශේෂත්වයකි. මින් පෙර 2007දී පාකිස්තානය හමුවේම පරාජය වෙමින් නවසීලන්තයට අවසන් තරගය අහිමි විය. 2016දී එංගලන්තය හමුවේ පරාජය වීම නිසා අවසන් තරගය අහිමි වූ ඔවුන් පසුගිය වසරේ අනුශූරයන් බවට පත්විය.
පාකිස්තානය අවසන් පූර්ව තරගයකට එක් වන්නේ 6 වැනි වරටයි.
මේ දෙපිල විස්සයි20 තරග බිමේදී අවස්ථා 28දී හමුව ඇති අතර, ඉන් තරග 17ක් ජයගෙන ඇත්තේ පාකිස්තානයයි. නවසීලන්තයට තරග 11ක ජය හිමිව ඇත
මෙම තරගය ඉතා තිවුණු තරගයක් වෙතැයි විචාරකයන්ගේ මතයයි. ශදාබ් ඛාන්, ශහීන් ෂා අෆ්රිඩි සහ මොහොමඩ් වසීම් පාකිස්තාන පන්දු බළ ඇණියේ ප්රධාන ක්රීඩකයන් වන අතර, මිචෙල් සැන්ට්නර්, ටිම් සවුති, ලොකී ෆර්ගියුසන් සහ ට්රෙන්ට් බෝල්ට් නවසීලන්තයේ ප්රධාන තුරුම්පු වෙයි.
මෙම තරඟය මෙරට වේලාවෙන් පස්වරු 1.30ට සිඩ්නිහිදී ආරම්භ වීමට නියමිතයි.
