හිටපු පොලිස්පති සී.ඩීට අවසන් ගෞරව දක්වන්න හිටපු ජනපති රනිල් පැමිණෙයි (වීඩියෝ)

හිටපු පොලිස්පති සී.ඩී වික්‍රමරත්නගේ දේහය අද (19) ) පෙරවරුවේ බොරැල්ලේ පිහිටි පෞද්ගලික මල්ශාලාවක තැන්පත් කරනු ලැබුවා.

ඔහුගේ දේහයට අවසන් ගෞරව දැක්වීම සඳහා හිටපු ජනාධිපති රනිල් වික්‍රමසිංහ අද පෙරවරුවේ පැමිණියා.
එමෙන්ම හිටපු යුද හමුදාපති ශවේන්ද්‍ර සිල්වා ද පැමිණ හිටපු පොලිස්පති සී.ඩී වික්‍රමරත්නගේ දේහයට අවසන් ගෞවර දැක්වූවා.

හිටපු පොලිස්පති සී.ඩී. වික්‍රමරත්න වෙඩි වැදීමකින් පසුගිය 17 වැන්දා පෙරවරුවේ ඔහු පදිංචිව සිටි නිවසේ දී ජීවිතක්ෂයට පත්ව තිබුණා.

ඔහුගේ ආරක්ෂක නිලධාරියාගේ පිස්තෝල වර්ගයේ ගිනි අවියෙන් වෙඩි තබාගෙන ඔහු සියදිවි හානි කරගන්නට ඇති බවට පොලිසිය සැකපළ කරනවා.

මියගිය හිටපු පොලිස්පති සී.ඩී. වික්‍රමරත්නගේ අවසන් කටයුතු සඳුදා එනම් හෙට (20) දිනයේ බොරැල්ල පොදු සුසන භූමියේ දී සිදුකිරීමට නියමිතයි.