බොරැල්ලේ පෞද්ගලික මල්ශාලාවක තැන්පත් කර ඇති හිටපු පොලිස්පති සී.ඩී.වික්රමරත්නගේ දේහයට අවසන් ගෞරව දැක්වීමට හිටපු ජනාධිපති මෛත්රීපාල සිරිසේන පැමිණ තිබෙනවා.
හිටපු ජනාධිපතිවරයා අද (19) දහවල් පැමිණ හිටපු පොලිස්පති සී.ඩී.වික්රමරත්නගේ දේහයට අවසන් ගෞරව දක්වනු ලැබුවා.
මේ අතර හිටපු කතානායක කරූ ජයසූරිය, හිටපු පොලිස්පතිවරයෙක් වන දේශබන්දු තෙන්නකෝන් ද පැමිණ හිටපු පොලිස්පති සී.ඩි.වික්රමරත්නගේ දේහයට අවසන් ගෞරව පුදකළා.
එමෙන්ම හිටපු ජනාධිපති රනිල් වික්රමසිංහ ද දේහයට අවසන් ගෞරව දැක්වීමට අද පෙරවරුවේ දේහය තැන්පත් කර ඇති බොරැල්ලේ පෞද්ගලික මල්ශාලාව වෙත පැමිණියා.
මෙරට 35 වන පොලිස්පතිවරයා ලෙස කටයුතු ඒ මහතා පසුගිය 17 වෙනිදා උදෑසන සිය නිවසේදී වෙඩි වැදී මියගොස් තිබුණා.
ඔහුගේ මරණය සියදිවි හානී කරගැනීමක් බවට සැකකෙරෙන අතර සිය ආරක්ෂක නිලධාරියාගේ ගිනි අවියෙන් ඔහු වෙඩි තබාගෙන ඇති බවට පොලිසිය සැක පල කරන්නේ.
සී.ඩී.වික්රමරත්න හිටපු පොලිස්පතිවරයාගේ දේහය පිළිබඳ අවසන් කටයුතු පොලිස් උත්තමාචාර සහිතව හෙට (20) දිනයේදී සිදුකිරීමට නියමිතයි.
