හවුති සටන්කාමීන් ඊශ්‍රායල නෞකාවක් පැහැරගනී

යේමනයේ හවුති සටන්කාමීන් විසින් ඊශ්‍රායල භාණ්ඩ ප්‍රවාහන නෞකාවක් සිය භාරයට ගෙන ඇති බව විදෙස් මාධ්‍ය වාර්තා කරනවා.

එම සටන්කාමීන් විසින් නෞකාවේ කාර්ය මණ්ඩලය මේ වනවිට ප්‍රාණ ඇපකරුවන් ලෙස රඳවා තබාගෙන ඇති බවයි වාර්තා වන්නේ.

විදෙස් මාධ්‍ය වැඩිදුරටත් තොරතරු වාර්තා කරන්නේ හවුති සටන්කාමීන් විසින් නෞකාවක් සිය යටතට පත්කර ගන්නා අවස්ථාවේ දී එහි කාර්ය මණ්ඩලය සාමාජිකයින් 22 දෙනෙකු සිට ඇති බවයි.

මෙම නෞකාව රතු මුහුදේ මෝටර් රථ ප්‍රවාහනය කරන Galaxy Leader නැමැති නෞකාව ලෙස හඳුනාගෙන ඇති අතර, එය බහමා ධජය යටතේ යාත්‍රා කරමින් තිබූ බව සඳහන්.

මීට පෙර යේමනයේ හවුති සටන්කාමීන් අනතුරු අඟවා තිබුණේ ඊශ්‍රායල සමාගම්වලට අයත් හෝ ක්‍රියාත්මකවන ඕනෑම නෞකාවකට ප්‍රහාර එල්ල කරන බවයි.