ශිෂ්යත්ව උපකාරක පංති ගුරුවරියක් වන හයේෂිකා ප්රනාන්දු හෙවත් ටීචර් අම්මා නැමැත්තියගෙන් පහර කෑමට ලක්ව, මේ වනවිට ප්රතිකාර ලබන ලිංගික අතවරයක් කිරිමට තැත් කිරිම සම්බන්ධයෙන් චෝදනා ලැබ සිටින තරුණයා ඇප මත මුදාහැරීමට මාලිගාකන්ද වැඩබලන මහේස්ත්රාත්වරයා නියෝග කර තිබෙනවා.
ඊයේ (17) පස්වරුවේ අතිරේක මහේස්ත්රාත්වරයා කොළඹ ජාතික රෝහලට ගොස් අදාළ තරුණයා රුපියල් ලක්ෂ දෙකක ශරීර ඇප මත මුදාහරින ලෙසයි නියෝග කර ඇත්තේ.
පසුගිය 14 වනදා රෝහලේ ප්රතිකාර ලබමින් සිටිය දී අත්අඩංගුවට ගත් එම තරුණයා දින තුනක් පොලිස් අත්අඩංගුවේ පසු වූ අතර, පොලිසිය අධිකරණයට කරුණු වාර්තා කිරිමෙන් අනතුරුව එසේ අතිරේක මහේස්ත්රාත්වරයා රෝහලට ගොස් කරුණු සලකා බැලීමෙන් අනතුරුව මෙලෙස ඇපමත මුදාහැර තිබෙනවා.
හයේශිකා ප්රනාන්දුගේ පුද්ලික ආයතනයේ සේවය කරන තරුණියකට අතවර කිරීමට තැත් කිරීම සම්බන්ධයෙන් ලැබුණු පැමිණිල්ලකට අදාළව තරුණයා අත්අඩංගුවට ගැනුණා.
එහිදී විත්තිකරු වෙනුවෙන් පෙනී සිටි ජ්යේෂ්ඨ නීතිඥ නෙල්සන් කුමාර දිර්ඝව කරුණු දැක්වූ අතර, පැමිණිල්ල වෙනුවෙන් කටාන පොලිසිය කරුණු දැක්වීම සිදුකළා.
ඉදිරිපත් වූ කරුණු සලකා බැලු අතිරේක මහේස්ත්රාත්වරයා ඇප ලබාදීමේ නියෝග නිකුත් කළ අතර, මෙම නඩුව යළි මැයි 21 වනදා කැඳවීමට නියෝග කළා.
