පසුගිය මාසයේ දී සෞඛ්ය සේවකයන් සඳහා ගෙවනු ලබන වැටුප් ලබා දීමේදී රෝහල් රැසක සෞඛ්ය සේවකයන් සඳහා අතිකාල සහ වෙනත් දීමනා හැර මූලික වැටූප පමණක් ගෙවීමට කටයුතු කර ඇතැයි වාර්තා වනවා.
මේ සමගම මේ වනවිට මහනුවර රෝහල ඇතුළු රෝහල් සේවකයන් අතර අර්බුදකාරී තත්ත්වයක් නිර්මාණය වෙමින් පවතීන බවද සඳහන්
සෞඛ්ය අමාත්යාංශය මගින් සෞඛ්ය සේවකයන්ගේ වැටුප් ගෙවීම සඳහා ලබාදෙනු ලබන ප්රතිපාදන සීමා කිරීමත් සමඟ බොහෝ රෝහල්වල විශේෂඥ වෛද්යවරුන් ඇතුළු සෞඛ්ය සේවකයන් සඳහා අත්යවශ්ය වැටුප් පමණක් ගෙවීමට කටයුතු කර ඇති අතර අතිකාල වැටුප් මෙන්ම පශ්චාත් වෛද්ය උපාධිය හදාරන වෛද්යවරුන් ඇතුළු සෞඛ්ය සේවකයන් සඳහා අතිකාල දීමනා ලබාදීම සීමා කිරීමටද එම රෝහල්වල අධ්යක්ෂකවරුන් කටයුතු කර ඇතැයිද වාර්තා වෙයි.
කෙසේ නමුත් මේ අන්දමට රෝහල් අධ්යක්ෂකවරුන් විසින් අතිකාල ගෙවීම සීමා කිරීමටටත්, රෝහල් අධ්යක්ෂකවරුන් මුදල් අරපරෙස්සමෙන් භාවිතා කිරීමට සිදු කර ඇති පියවරත් රෝහල් අධ්යක්ෂවරුන්ගේ අත්තනෝමතික තීරණයක් නොවන බව මේ සම්බන්ධව අදහස් දැක්වූ සෞඛ්ය අමාත්යාංශයේ අභ්යන්තර ආරංචි මාර්ග සඳහන් කරයි.
පසුගිය කාලසීමාවේදී වෛද්යවරුන්ගේ වැටුප් වැඩි කිරීමට රජය කටයුතු කරන බවට රජයේ වෛද්ය නිලධාරීන්ගේ සංගමය විසින් විශාල මාධ්ය ප්රචාරයක් ගෙන ගියද එය මේ වන විට එය අසත්යක් බව තහවුරු වී ඇතැයි ද වෛද්යවරුන්ගේ වෘත්තීය සමිතිවල සාමාජිකයන් විසින් සඳහන් කරනු ලබයි.
මේ සම්බන්ධව අදහස් දක්වමින් වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තීය සමිති සන්ධානයේ සභාපති වෛද්ය චමල් සංජීව පැවසූයේ විශේෂඥ වෛද්යවරුන් ඇතුළු සියලුම සෞඛ්ය සේවකයන්ගේ වැටුප් සහ අතිකාල නියමිත පරිදි ගැනීමට රජය මගින් ප්රතිපාදන වෙන්කර ලබා දීම අත්යවශ්ය කටයුත්තක් වන බවත් දැනට රටේ ඇතිවී ඇති ආර්ථික අර්බුධකාරී තත්වයන් සමග සෞඛ්ය සේවකයන්ගේ වැටුප් කප්පාදුවට තුලින් මේ මොහොතේ සෞඛ්ය සේවකයන් තුළ අසහනකාරී තත්ත්වයක් සහ රෝහල් පරිසරය තුළ ගැටුම්කාරී වාතාවරණයක් පවා නිර්මාණය වීමට හේතුවක් විය හැකි බවයි.
එබැවින් මේ සම්බන්ධයෙන් වහාම අවධානය යොමු කරන ලෙස තමන් ජනාධිපතිවරයා ඇතුළු අදාළ බලධාරීන් වෙත ඉදිරි කාලයේ දී නිල වශයෙන් දැනුම් දීමට බලාපොරොත්තු වන බවද ඔහු වැඩිදුරටත් පැවසීය.
