මොරටුව පොලිස් වසමේ මොරටුවැල්ල ප්රදේශයේ පදිංචි පුද්ගලයෙකු විසින් නීති විරෝධී ලෙස උපයා ගන්නා ලද මුදලින් දේපළ හා වත්කම් මිලදී ගැනීමක් සම්බන්ධයෙන් මධ්යම අපරාධ විමර්ශන කාර්යංශයේ නීති විරෝධී වත්කම් විමර්ශන අංශය මඟින් විමර්ශනයක් ආරම්භ කර තිබුණා.
ඒ අනුව, සිදුකරන ලද විමර්ශනයේදී ඉහත පුද්ගලයා මත්ද්රව්ය ජාවාරම් සිදු කරමින් වත්කම් උපයාගෙන ඇති බවට අනාවරණය වී ඇති අතර එසේ උපයා ගන්නා ලද මුදලින් එම පුද්ගලයාගේ බිරිඳගේ නමින් පානදුර ප්රදේශයේ පර්චස් 10 ක ඉඩමක් මිලදී ගෙන එහි දෙමහල් නිවසක් ඉදි කරමින් පවතින බවට තොරතුරු අනාවරණය වී තිබෙනවා.
නීති විරෝධී ආකාරයෙන් උපයාගන්නා ලද මුදලින් දේපළ හා වත්කම් මිලදී ගැනීම හා පරිහරණය කිරීම සම්බන්ධයෙන් එම පුද්ගලයාගේ බිරිඳ පසුගිය 21 වනදා මධ්යම අපරාධ කාර්යංශයේ නීති විරෝධී වත්කම් විමර්ශන අංශය මඟින් අත්අඩංගුවට ගෙන තිබුණා.
සැකකාරිය ඊට පසුදින (22) මොරටුව මහේස්ත්රාත් අධිකරණයට ඉදිරිපත් කිරීමෙන් පසු ලබන පළමු වනදා රක්ෂිත බන්ධනාගාරගත කිරීමටයි නියෝග කර ඇත්තේ.
