සාම පාද යාත්රාව වෙනුවෙන්, වියට්නාම ජාතික පූජ්ය පඤ්ඤාකර හිමියන් ප්රමුඛ මහා සංඝ රත්නය අද (21) අලුයම දිවයිනට පැමිණියා.
ඒ, සමයේ සුරතලා ලෙස හැඳින්වෙන ‘ආලෝකා’ සුනඛයාද රැගෙනයි.
ඇමරිකාවේ ටෙක්සාස් ප්රාන්තයේ ඩලස් පොර්ට් වර්ත් ජාත්යන්තර ගුවන් තොටුපළේ සිට පඤ්ඤාකර හිමියන් ප්රමුඛ මහා සංඝ රත්නය මෙලෙස දිවයිනට පැමිණියා.
හෙටින් ආරම්භ වන ජාත්යන්තර සාම පා ගමන, ලබන 28 වනදා දක්වා ශ්රී ලංකාවේ දී දියත් කිරීමට මේ වන විට සියලු කටයුතු සූදානම් කර තිබෙනවා.
සාම පා ගමනට සමගාමීව සිදුකෙරෙන අසදිස පූජාව අද (21) පස්වරුවේ රුවන්වැලි මහා සෑ පුදබිමේ දී ආරම්භ වනවා.
එහිදී ශ්රී මහා බෝධි අංකුරය පා ගමනේ යෙදෙන භික්ෂූන් වහන්සේ වෙත පූජා කිරීම සිදු කෙරෙන අතර, පස්වරු 4.00ට රුවන්වැලි සෑය පුදබිමේ ආගමික වැඩසටහනින් අනතුරුව මහා සංඝරත්නය දඹුල්ලට වැඩමවීම සිදු කෙරෙනවා.
සාම පා ගමන දඹුල්ල විහාරයෙන් අනිද්දා (22) පෙරවරු 6.30ට ආරම්භ කිරීමටයි නියමිතව ඇත්තේ.
