දේශීය සහල් සඳහා උපරිම මිලක් නියම කරමින් ගැසට් නිවේදනයක් නිකුත් කර තිබෙනවා.
මෙම ගැසට් නිවේදනය පාරිභෝගික සේවා අධිකාරිය විසින් නිකුත් කර ඇති අතර, දේශීය සුදු සහ රතු කැකුළු කිලෝ ග්රෑම් එකක උපරිම තොග මිල රුපියල් 215ක් ලෙසත් එහි උපරිම සිල්ලර මිල රුපියල් 220ක් ලෙසත් සඳහන්.
එමෙන්ම දේශීය නාඩු සහල් කිලෝ ග්රෑම් එකක තොග මිල රුපියල් 225ක් වන අතර, එහි උපරිම සිල්ලර මිල රුපියල් 230ක් ලෙස දක්වා තිබෙනවා.
දේශීය සම්බා සහල් කිලෝ කිලෝ ග්රෑම් එකක තොග මිල ලෙස රුපියල් 235ක් ලෙස අදාළ ගැසට් නිවේදනයෙන් දක්වා ඇති අතර, සිල්ලර මිල ලෙස දක්වා රුපියල් 240ක්.
දේශීය කීරිසම්බා කිලෝග්රෑම් එකක තොග මිල රුපියල් 255ක් වන අතර උපරිම සිල්ලර මිල වන්නේ රුපියල් 260ක් ලෙසටයි.
මේ අතර ආනයනික සහල් සඳහා ද උපරිම සිල්ලර මිලක් නියම කරමින් පාරිභෝගික අධිකාරිය විසින් ගැසට් නිවේදනයක් නිකුත් කර තිබෙනවා.
