මෙරට ජීවත්වන පුද්ගලයින්ගේ සෞඛ්ය සම්පන්න භාවය උදෙසා සහල් පරිභෝජනය අඩුකළ යුතු බව කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී ලාල්කාන්ත පවසනවා.
කෘෂිකර්ම දෙපාර්තමේන්තුව සංවිධානය කරන ලද Agri Taste 2026 ආහාර ප්රදර්ශනයේ සමාප්ති උත්සවයේ ප්රධාන ආරාධිතා වශයෙන් අද (05) එක්වෙමින් අමාත්යවරයා මේ බව සඳහන් කළා.
එහිදී වැඩිදුරටත් අදහස් දැක්වූ අමාත්යවරයා,
“සහල් පරිභෝජනය අඩුකරන්න ඕන. මම දන්නවා මේක කිව්වම මීඩියාවල යන්නේ මොනාද කියලා. ශ්රී ලංකාවේ ජනගහනයෙන් 51%කට සීනි. හේතුව තුන්වේල බත් කළා. අපි සහල් මූලික දෙයක් විදියට ගොඩනඟන්න ඕන. හදන ආහාරවල සහල්වල පංගුව අඩු කරන්නත් ඕන. ඒ කියන්නේ සහල්වලින් හදන ආහාර වර්ග ගොඩක් වැඩි කරන්නත් ඕන එක්කෙනක් දවසට ගන්න සහල් ප්රමාණය අඩුකරන්න ඕන වෙනත් දේවල් එකතු කරලා ආහාර වර්ග ගොඩනඟන්න ඕන.”
සහල් පරිබෝජනය අඩු කරන්න කියලා කියන්න දෙයක් නෑ. මිනිස්සු ඇත්තටම කනවා නෙමෙයි ලෙවකනවා. දුප්පත් මිනිස්සු බඩගින්නට අහුවෙන දෙයක් කනවා මිසක් තුන් වේල කියන්නෙ හීනයක් විතරයි. බලය ලැබුනහම බඩගින්න මොකද්ද කියලා ලංකාවේ කිසිම දේශපාලන පක්ෂයක් හිතන්නෙ නෑ. නැත්නම් ඔය වගේ කතා කියන්නෙ නෑ. හාල් මිළ අඩුකරන්න බැරිනම් අඩුගානේ කට පරිස්සමින් තියාගන්න.