මාතර වේරගම්පිට ප්‍රදේශයේදී පුද්ගලයෙකු තියුණු ආයුධයකින් කළ පහරදීමකින් පාසල් සිසුවෙකුගේ අතකට බරපතල තුවාල සිදුවි තිබෙනවා.
සරුංගලයක් සම්බන්ධයෙන් ඇතිවූ ආරවුලක් දුරදිග යාමෙන් මෙම පහරදීම සිදුවී ඇති අතර ප්‍රහාරයෙන් සිසුවාගේ අත වෙන්වී ඇති බවයි අප වාර්තාකරු සඳහන් කළේ.
වේරගම්පිට අම්බලම අසලදී අද මෙම පහරදීම සිදුවී ඇතැයි සඳහන්.
බරපතල තුවාල ලැබූ 16 හැවිරිදි සිසුවා මාතර මහ රෝහලට ඇතුලත් කිරීමෙන් පසු වැඩිදුර ප්‍රතිකාර සඳහා කොළඹ ජාතික රෝහලට මාරු කර යවා තිබෙනවා.
කඩුවකින් මෙම පහරදීම සිදුවී ඇති අතර ඉන් සිසුවාගේ අත වෙන්වී ඇති බව හෙළිවී තිබෙනවා.
පහරදීමට සම්බන්ධ වේරගම්පිට ප්‍රදේශයේම පදිංචිකරුවන් දෙදෙනෙකු මාතර පොලිසිය මගින් අත්අඩංගුවට ගෙන තිබෙනවා.
ඔවුන් කොටවිල මහේස්ත්‍රාත් අධිකරණයට ඉදිරිපත් කිරීමට නියමිතයි.
