විශ්වවිද්යාල ශිෂ්යයකු පැදවූ මෝටර් රථයක් හොරණ – බොරළුගොඩ ප්රදේශයේ දී පදිකයින් ලෙස ගමන් කරමින් සිටි එකම පවුලේ සහෝදරියන් දෙදෙනෙක් ඇතුළු තිදෙනෙකුගේ ගැටීමෙන් ඔවුන් තුවාල ලබා හොරණ දිස්ත්රික් රෝහලට ඇතුළත් කර තිබෙනවා.
තුවාල ලැබූවන් කළුතර – නාගොඩ සහ හොරණ දිස්ත්රික් රෝහලේ ප්රතිකාර ලබන බවයි පොලිසිය වැඩිදුරටත් පැවසුවේ.
හොරණ – රත්නපුර මාර්ගයේ බොරළුගොඩ ප්රදේශයේ දී ගුරුවරියක් වූ සිය මව ඌරුගල ප්රදේශයේ පාසලකට ඇරලීම සඳහා සැකකාර විශ්වවිද්යාල සිසුවා මෝටර් රථය පදවාගෙන යමින් සිටියදී මාර්ගයේ වම්පස පා ගමනින් යමින් සිටි තුවාල ලද තිදෙනාගේ ගැටී ඇති බවයි වාර්තා වන්නේ.
මෝටර් රථය කඩා වැදීමත් සමගම ඔවුන් තිදෙනා මීටර් 12 ක් පමණ ඈතට විසි වී ඇති අතර මෝටර් රථය මීටර් 50 ක් ඈතට ධාවනය වී නැවතී තිබෙනවා.
රියදුරුට නින්ද යාම හේතුවෙන් මෙම අනතුර වී ඇති බවයි අනාවරණය වී ඇත්තේ.
තුවාල ලද සහෝදරියන් දෙදෙනා බොරලුගොඩ ප්රදේශයේ කර්මාන්ත ශාලාවකට රැකියාව සඳහා යන පළමු දින ඊයේ (01) දිනයේ දී මෙම අනතුරට මුහුණපා තිබෙනවා.
තුවාල ලැබූවන් ගුරුගොඩ – මල්බෙරිගම සහ පහුරුගොඩ – පනන්ගල පදිංචි පදිංචිකරුවන්.
