සම්භාහන මධ්යස්ථානයක් මුවාවෙන් පවත්වාගෙන ගිය ගණිකා නිවාසයක් සීදූව ප්රදේශයෙන් වටලා තිබෙනවා.
සීදූව පොලිස් ස්ථානයේ නිලධාරීන්ට ලද තොරතුරක් මත ඊයේ (19) රාත්රියේ මෙම වැටලීම සිදුකර ඇති බවයි වාර්තා වුණේ.
සීදූව පොලිස් වසමේ මීගමුව පාර ප්රදේශයේ සම්භාහන මධ්යස්ථානයක් මුවාවෙන් මෙම ගණිකා නිවාසය පවත්වාගෙන යන බවටයි පොලිසිය වෙත තොරතුරු ලැබී ඇත්තේ.
මෙම වැටලීමේ දී එක් සැකකරුවෙකු හා සැකකාරියන් සිව්දෙනෙකු අත්අඩංගුවට ගෙන තිබෙනවා.
ගණිකා නිවාසයක් කළමනාකරණය කිරීම සම්බන්ධව අවුරුදු 40ක පුද්ගලයෙක් අත්අඩංගුවට ගෙන ඇති අතර, ගණිකා වෘත්තියේ යෙදීම සඳහා රැඳී සිටි කාන්තාවන් සිව්දෙනෙක් අත්අඩංගුවට පත්වූවන අතර වනවා.
එම සැකකාර කාන්තාවන් අවුරුදු 22ත් 30ත් අතර වයස්වල පසුවන කොස්ගම, මාතලේ, කුරුණෑගල සහ අඹගමුව ප්රදේශවල පදිංචිකාරියන් බවයි වාර්තා වන්නේ.
සීදූව පොලිසිය විසින් වැඩිදුර විමර්ශන සිදුකරනු ලබනවා.
