ඕමානයට එරෙහි පළමු විස්සයි විස්ස ක්රිකට් තරගයේදී ශ්රී ලංකා පිල නියමිත පන්දුවාර 20 අවසානයේ කඩුලු 4ක් දැවී ලකුණු 162ක් රැස් කළේය.
එහිදී අවිශ්ක ප්රනාන්දු නොදැවී ලකුණු 83ක් සහ නායක දසුන් ශානක නොදැවී ලකුණු 51ක් ලබා ගත්තේය.
එහිදී අවිශ්ක සහ දසුන් 6 පහර 5 බැගින් 6 පහර 10ක් වාර්තා කළේය.
පිළිතුර ඉනිම සඳහා පිටියට පිවිසි ඕමාන් කණ්ඩායමේ පළමු කඩුලු 4 මුළු ලකුණු සංඛ්යාව 23 ක් ව තිබියදී බිඳ වැටුණා.
නමුත් ඉන් පසුව ශ්රී ලංකා පන්දු යවන්නන්ට එරෙහිව සටන්කාමී පිතිහරඹයක දියත් කළ පසු පෙළ පිතිකරුවන් නියමිත පන්දුවාර 20 තුළදී ඕමාන කණ්ඩායමේ මුළු ලකුණු සංඛ්යාව 143ක් දක්වා ඉහළ නංවා ගත්තා.
පන්දු 22 කදී ලකුණු හතළිහක් රැස්කර ගත් කඩුලු රකින ක්රීඩක නසීම් කුෂී ශ්රී ලංකා පන්දු යවන්නන්ට දැඩි ප්රහාරයක් එල්ල කළ අතර මොහොමඩ් නයීම් ලකුණු 32ක් රැස්කර ගත්තා
පන්දු යැවීමේදී ලහිරු කුමාර කඩුලු 4ක් දවා ගත් අතර චාමික කරුණාරත්න සහ නුවන් ප්රදීප් අතරේ කඩුලු 2 බැගින් බෙදී ගියා.තරග දෙකකින් සමන්විත ඕමාන ශ්රී ලංකා පන්දුවාර 20 ක්රිකට් තරගාවලියේ දෙවැනි තරගය ලබන 9 වෙනිදා පැවැත්වීමට නියමිතයි.
