ශ්‍රී ලංකා තරග සංචාරය වෙනුවෙන් එක්දින සහ විස්සයි විස්ස සංචිත තෝරා ගැනීම වෙනුවෙන් ඉන්දීය පිළේ ප්‍රධාන පුහුණුකරු ගෞතම් ගාම්භීර්, තේරීම් කමිටු ප්‍රධානී අජිත් අගාර්කාර් මුණගැසීමට නියමිත බව වාර්තා වනවා.
ඒ, අනුව ලබන සතියේ දී මෙම හමුව සිදුවන බවයි ඉන්දීය මාධ්‍ය වාර්තා කළේ.
ඉන්දීය කණ්ඩායම එක්දින තරග තුනක් සහ විස්සයි විස්ස තරග තුනකින් යුත් තරගාවලියක් වෙනුවෙන් මෙම මස අග දී ශ්‍රී ලංකාවේ සංචාරය කිරීමට නියමිතයි.
මේ අතර රෝහිත් ශර්මාගේ ඉවත්වීමෙන් පසු මෙම තරගාවලියේ දී ඉන්දීය විස්සයි විස්ස කණ්ඩායමේ නායකත්වය හර්දික් පාණ්ඩ්‍යාට හිමිවීමට නියමිතව ඇති බව සඳහන්.
ඉන්දීය මාධ්‍ය වැඩිදුරටත් තොරතුරු වාර්තා කරන්නේ කේ.එල්. රාහුල් සහ ශ්‍රෙයාස් අයියර් නැවතත් එක්දින තරඟ සඳහා එක්කර ගැනීම මෙම තරගාවලිය තුළ දී කටයුතු කරනු ඇති බවයි.
ඉන්දීය නව පුහුණුකරු ගෞතම් ගාම්භීර් සමඟ කේ.එල්. රාහුල් සහ ශ්‍රෙයාස් අයියර් දැඩි සබන්ධතාවක් පැවැත්වීම මීට ප්‍රධාන හේතුවක් වනු ඇති බව ඉන්දීය මාධ්‍ය වාර්තා කරනවා.
