ශ්‍රී ලංකා වෘත්තීය ක්‍රිකට් ක්‍රීඩකයින්ගේ සංගමය (SLPCA) නමින්, වෘත්තීය ක්‍රිකට් ක්‍රීඩකයින් නව සංගමයක් ආරම්භ කර තිබෙනවා.
රටේ ක්‍රීඩකයින්ට සහාය වීම සහ ඔවුන් වෙනුවෙන් පෙනී සිටීම අරමුණු කරගනිමින් මෙම නව සංගමය පිහිටුවා තිබෙනවා.
මෙම නව සංගමයේ පළමු සභාපතිවරයා ලෙස ශ්‍රී ලංකා ක්‍රිකට් ක්‍රීඩක කුසල් මෙන්ඩිස් පත්කර ඇති බවයි වාර්තා වුණේ.
මෙම නව සංගමය, වෘත්තීය ක්‍රිකට් ක්‍රීඩකයින් නියෝජනය කරන ගෝලීය ආයතනය වන ලෝක ක්‍රිකට් ක්‍රීඩකයින්ගේ සංගමය (WCA) සමඟ සම්බන්ධ වී කටයුතු කරනු ඇති.
