ඉදිරි කාලයේදී දැනටත් වඩා බිත්තර හා කුකුළු මස් හිඟයක් ඇතිවීමේ අවදානමක් මතුව ඇති බව කුකුළු කර්මාන්තකරුවන් කියා සිටිති.
2021 වසරේ කිකිළියන් 80,000ක් මෙරටට ආනයනය කළ ද මෙම වසරේ එය 7000 දක්වා අඩුවීම නිසා මෙම තත්ත්වය උදාවී තිබේ.
මෙම වසරේදී ද කුකුළු මස් හා බිත්තර නිෂ්පාදනය විශාල වශයෙන් පහත වැටී ඇතැයි ද ඔවුන් කෘෂි කර්ම අමාත්ය මහින්ද අමරවීර මහතා සමඟ පැවති සාකච්ඡාවක දී පෙන්වා දී ඇත.
ඊට අමතරව කුකුළු ආහාර වල මිල විශාල වශයෙන් ඉහළ යාමත් මෙරට බඩ ඉරිඟු නිෂ්පාදනය පහත වැටීමක් කර්මාන්තය කෙරෙහි දැඩිව බලපා ඇතැයි ද ඔවුන් එහිදී පෙන්වා දී තිබේ.
