නීතිවිරෝධී අන්දමින් ටී56 ගිනි අවියක් සහ තවත් වර්ගයක ගිනි අවියක් සන්තකයේ තබා ගැනීමේ චෝදනා යටතේ ප්රධාන පෙළේ මත්ද්රව්ය ජාවාරම්කරුවෙකු හා පාතාල කල්ලි නායකයෙකු යැයි කියන ගම්පල විතානගේ සමන්ත කුමාර හෙවත් ‘වෙලේ සුදා’ නමැත්තාට එරෙහිව පවරා ඇති නඩුවේ වැඩිදුර සාක්ෂි විභාගය ලබන නොවැම්බර් මස 29 වැනිදා තෙක් කල් තැබීමට අධිකරණය නියෝග කර තිබෙනවා.
මෙම නියෝගය අද (20) දිනයේ දී සිදු කර ඇත්තේ කොළඹ මහාධිකරණ විනිසුරු මහේෂ් වීරමන් මහතා විසින්.
2006 වර්ෂයේ අප්රේල් මස 24 වැනිදා විශේෂ පොලිස් කණ්ඩායමක් විසින් සිදු කරන ලද වැටලීමක දී බොරලැස්ස ප්රදේශයේ දී එම ගිනි පොලිස් භාරයට ගත් බව පැමිණිල්ලේ සඳහන්.
මේ වනවිට බූස්ස බන්ධනාගාරයේ රඳවා සිටින එම විත්තිකරුව පොලිස් විශේෂ කාර්යය බලකායේ හා විශේෂ බන්ධනාගාර නිලධාරින් කණ්ඩායමකගේ දැඩි ආරක්ෂාව යටතේ අධිකරණයට ඉදිරිපත් කළ බවයි දසත අධිකරණ වාර්තාකරු පැවසුවේ.
විත්තිකරු වෙනුවෙන් නීතිඥ අකිල ජයසුන්දර සමග නීතිඥ අසේල මුතු මුදලිගේ පෙනී සිටියා.
