රත්නපුර – හීදැල්ලන ප්රදේශයේ දී තරුණයෙකුට අමානුෂික ලෙස පහර දී ගසක ගැටගසා ඇති බව පොලිසියට ඊයේ (13) අලුයම පැමිණිලක් ලැබී තිබෙනවා.
එම පැමිණිල්ලකට අනුව ක්රියාත්මක වූ පොලිසිය එම ස්ථානයට ගොස් අදාළ පුද්ගලයා රත්නපුර රෝහලට ඇතුළත් කිරීමටයි කටයුතු කර ඇත්තේ.
කෙසේ වෙතත් ඔහු රෝහල් ගතකර දැඩිසත්කාර ඒකකයේ ප්රතිකාර ලබමින් සිටිය දී ජීවිතක්ෂයට පත්ව ඇති බවයි වාර්තා වන්නේ.
මෙලෙස මියගිය පුද්ගලයා 24 හැවිරිදි වියේ පසුවන කුරුවිට ප්රදේශයේ පදිංචිකරුවෙක්.
මෙම පුද්ගලයා හීදැල්ලන ප්රදේශයේ කාන්තාවක් සමඟ අනියම් සබඳතාවක් පවත්වාගෙන ගොස් ඇති අතර, ඇය මුණගැසීමට අයගේ නිවසට ගිය අවස්ථාවේ සැමියා විසින් පහර දී ගසක ගැට ගසා ඇති බවටයි අනාවරණය වී ඇත්තේ.
අපරාධය සිදුකළ සැකකාර 37 හැවිරිදි සැමියා පොලිසිය විසින් අත්අඩංගුවට ගෙන ඇති බවයි වාර්තා වන්නේ.
