ලියාපදිංචි විදේශ රැකියා නියෝජිත ආයතන හරහා ශ්‍රමිකයින් පිටත් කර යැවීමේ දී අදාළ නියෝජිත ආයතවලට ප්‍රතිපූර්ණය කරනු ලබන ලියාපදිංචි ගාස්තුවලින් රුපියල් ලක්ෂ 11ක මුදලක්, විදේශ සේවා නියුක්ති කාර්යාංශය විසින් ක්‍රියාත්මක කරනු ලබන සුබසාධන කටයුතු සදහා යොදා ගැනීම සදහා කම්කරු හා විදේශ රැකියා අමාත්‍ය මනුෂ නානායක්කාර වෙත් ප්‍රධානය කර තිබෙනවා.
මුදල් අමාත්‍යාංශයේ සහ සෞඛ්‍ය අමාත්‍යාංශයේ ඉල්ලීම මත ශ්‍රී ලංකා විදේශ සේවා නියුක්ති කාර්යාංශයේ අරමුදල්වලින් රුපියල් මිලියන 500ක මුදලක් මහරගම පිළිකා රෝහලට අවශ්‍ය ඖෂධ මිලදී ගැනීම සදහා ලබාදෙන අතර එම අරමුදල සදහා මෙම මුදල ද එක් කිරීමට නියමිත බවයි වාර්තා වන්නේ.
එලෙස ලබාදෙනු ලබන රුපියල් මිලියන 500ක මුදලකින් මිලියන 100ක මුදලක් මේ වන විට නිකුත් කර තිබෙන අතර, ඉතිරි මුදල ඖෂධ මිලදී ගැනීමේ අවශ්‍යතාවය මත නිදහස් කිරීමට නියමිතව තිබෙනවා.
ශ්‍රී ලංකා විදේශ සේවා නියුක්ති කාර්යාංශයේ කම්කරු සුබසාධක අරමුදල මඟින් විදේශ රැකියා සදහා පිටත්ව ගොස් නැවත පැමිණි, නොයෙක් අනතුරු හා රෝගාබාධයන්ට ලක්වූ පුද්ගලයින්ට හා ඔවුන්ගේ පවුල්වල සාමාජිකයින්ට රුපියල් ලක්ෂ 88ක මුදලක් ලබාදීමට කටයුතු කළ අතර, ඒ අවස්ථාවේදී මෙම මුදල අමාත්‍යවරයා වෙත ප්‍රදානය කරනු ලැබුවා.
