වැඩ වැඩි නිසා පයාගල පොලිසියේ කොස්තාපල්වරයෙක් සටහනක් තබා පිටව යයි

රාජකාරී බහුල බැවින් තමන් මානසික පීඩනයකට පත්ව ඇති බවට ලිපියක් ලියා තබා පයාගල පොලිස් ස්ථානයේ කොස්තාපල්වරයෙක් පොලිසියෙන් පිටව ගොස් ඇති බවට වාර්තා වනවා.

ඊයේ (05) දිනයේ දී සිය දෛනික සටහන් පොතෙහි රාජකාරි බහුල බැවින් මානසික පීඩනයකට පත්ව ඇති බවට සටහන් කර නිළ ඇදුම් සහ එහි කොටස් පොලිසිය තුළ තබා අදාළ කොස්තාපල්වයා පිටව ගොස් ඇති බවයි පොලිසිය පවසන්නේ.

පිටිගල, ඉදිපලේගොඩ ප්‍රදේශයේ පදිංචි 26 හැවිරිදි අදාළ කොස්තාපල්වරයා 2025 ජුනි මස 08 දින පොලිස් දෙපාර්තමේන්තුවට එක්ව ඇති බවත්, ඔහු 2026 ජනවාරි 21 දින පයාගල පොලිසියේ සේවයට වාර්තා කර ඇති බව පොලිසිය වැඩිදුරටත් සඳහන් කළා.