2026 අයවැයෙන් තම ඉන්ධන දීමනාව ලබා නොදෙනේ නම් දීප ව්‍යාප්ත වැඩවර්ජනයකට යන බව ශ්‍රී ලංකා එක්සත් ග්‍රාම නිලධාරී සංගමය පවසනවා.
අද (08) පෙරවරුවේ මාධ්‍ය හමුවක් පවත්වමින් එම සංගමය මේ බව සඳහන් කළා.
ඔවුන් පවසන්නේ පසුගිය රජය විසින් ග්‍රාම නිලධාරීන්ට ලබාදීමට සැලසුම් කර තිබූ, ලීටර් 20ක ඉන්ධන කෝටාව වත්මන් රජය විසින් කපා දැමීමට කටයුතු කළ බවයි.
අනතුරුව රුපියල් 600ක දීමනාවක් එක් ග්‍රාම නිලධාරියෙකුට මසකට ලබාදීමට වත්මන් රජය කටයුතු කළ බවත් එම මුදල මසක් සඳහා ප්‍රවාහන වියදම් ලෙස කිසිසේත්ම ප්‍රමාණවත් නොවන බවයි එම සංගමය වැඩිදුරටත් පැවසුවේ.
ඒ, අනුව අනුර කුමාර දිසානායක ජනාධිපතිවරයාගේ මංගල අයවැයෙන් කපා දැමූ ලීටර් 20ක ඉන්ධන කෝටාව ඒ,එළඹෙන අයවැයෙන් ලබාදෙන ලෙසයි ශ්‍රී ලංකා එක්සත් ග්‍රාම නිලධාරී සංගමය සඳහන් කළේ.
එසේ නොවුනහොත් දිවයින පුරා ග්‍රාම නිලධාරීන් වැඩවර්ජන වෘත්තීය ක්‍රියාමාර්ගයකට යන බවයි අනතුරු අඟවා සිටියේ.
