පවතින අයහපත් කාලගුණික තත්ත්වය හේතුවෙන් හඟුරන්කෙත ප්‍රාදේශීය ලේකම් කොට්ඨාසයේ මාර්ගවල නතර කර ඇති වාහන මතට ගල් පෙරලීම්, ගංවතුර පහරට හසුවීමේ සිදුවීම් වාර්තා වී තිබෙනවා.
දසත ප්‍රාදේශීය වාර්තාකරු පැවසුවේ ඊයේ (29) රාත්‍රියේ දී එම ප්‍රදේශයට ඇදහැලුණු ධාරාණිපාත වර්ෂාවත් සමග සුළු ගංවතුර තත්ත්වයක් සමගින් ඇතැම් මාර්ගවල ඇති ගස් ද රථවාහන මතට ඇදවැටී ඇති බවයි.
හේවාහෙට – ගෝනපිටිය, මැරිගෝල්ඩ් ප්‍රදේශයට ඇදහැලෙන දැඩි වර්ෂාවෙන් ජන ජීවිතවලට බලපෑම් එල්ල වී ඇති බවයි වාර්තා වන්නේ.
ත්‍රීරෝද රථ පවා ගල් සමග පෙරලී ගොස් තිබෙනවා.
එමෙන්ම ගලා එන වැසි ජලය ඉහළ යාම සමග එම ජලය නිවාස තුළට ද ගලා ඒමට පටන් ගෙන ඇති බවයි ප්‍රාදේශීය වාර්තාකරු පැවසුවේ.
