වසරකට අධික කාලයක සිට තාවකාලිකව නවතාදමා තිබූ වාහන අංක තහඩු මුද්‍රණය අද (08) යළිත් ආරම්භ කෙරුණා.
වෙහෙරහැර පිහිටි මෝටර් රථ ප්‍රවාහන දෙපාර්තමේන්තු පරිශ්‍රයේ දී මෙම කටයුතු ආරම්භ වුණේ ප්‍රවාහන හා මහා මාර්ග නියෝජ්‍ය අමාත්‍ය ප්‍රසන්න ගුණසේනගේ ප්‍රධානත්වයෙන්.
මෙම අවස්ථාවට එක් වූ නියෝජ්‍ය අමාත්‍ය ප්‍රසන්න ගුණසේන සඳහන් කළේ වාහන අංක තහඩු ලක්ෂ 06ක පමණ සංඛ්‍යාවක් මුද්‍රණය නොකර ගොඩගැසී ඇති බවයි.
මේ අතර යම් වාහන හිමිකරුවෙක් සිය වාහනයේ අංක තහඩුව මුද්‍රණයට ලබාදුන් පසු එය මුද්‍රණය කර අවසන් බවට SMS පණිවුඩයකින් දැනුම්දීමේ පහසුකම මේ වනවිට පවතින බවයි.
ඒ, අනුව එය මුද්‍රණය කර පැය දෙකක් වැනි කෙටි කාලයක් තුළ වාහනයේ අංක තහඩුව එහි හිමිකරුට ලබාගත හැකි බවයි
නියෝජ්‍ය අමාත්‍යවරයා වැඩිදුරටත් සඳහන් කළේ.
කොළඹ දිස්ත්‍රික්කයේ නම් මුද්‍රණය අවසන් වූ වාහන අංක තහඩුව පැය දෙකක් තුළ දී ලබාගත හැකි අතර, කොළඹින් පිට ප්‍රදේශවල නම් දින 14ක් ඇතුළත එම වාහන අංක තහඩුව ලබා ගැනීමේ හැකියාව පවතිනවා.
