ඉන්දියාව සහ බ්‍රිතාන්‍ය නිදහස් වෙළඳ ගිවිසුමක් සඳහා අත්සන් තබා තිබෙනවා.
වසර තුනක් පුරා පැවති සාකච්ඡාවලින් අනතුරුවයි මෙම නිදහස් වෙළඳ ගිවිසුම අත්සන් තබා ඇත්තේ.
ඉන්දීය අග්‍රාමාත්‍ය නරේන්ද්‍ර මෝදිගේ බ්‍රිතාන්‍ය සංචාරයට සමගාමීව මෙම ගිවිසුමට අත්සන් තැබීම සිදු වුණා.
දෙරට අතර අත්සන් කෙරුණු මෙම නිදහස් වෙළඳ ගිවිසුම අනුව රෙදිපිළි සිට විස්කි සහ මෝටර් රථ දක්වා වන භාණ්ඩ සඳහා තීරුබදු කපාහැරීම සහ ව්‍යාපාර සඳහා වැඩි වෙළඳපොළ ප්‍රවේශයක් ලබාදෙනු ඇති.
මේ අතර දෙරටේ ආර්ථිකයන් අතර ද්විපාර්ශ්වික වෙළඳාම වාර්ෂිකව ඩොලර් බිලියන 34 කින් ඉහළ නැංවීමට මෙමඟින් අපේක්ෂා කෙරෙනවා.
එමෙන්ම තොරතුරු තාක්ෂණය, මූල්‍ය සේවා, වෘත්තීය සේවා, කළමනාකරණ උපදේශන, ගෘහ නිර්මාණ ශිල්පය සහ ඉංජිනේරු විද්‍යාව සහ තවත් බොහෝ ක්ෂේත්‍රවල වෘත්තීන් ගොඩනැගීමට අපේක්ෂා කරන තරුණයින්ට පමණක් නොව, තරුණ ව්‍යවසායකයින්ට සහ ඉන්දියානු උපාධිධාරීන්ට එක්සත් රාජධානියේ වෘත්තීන් හැදෑරීමට ද මෙය සහාය වනු ඇති.
