අද පස්වරුවේ කොළඹ කොටුවෙන් ගමන් ආරම්භ කිරීමට නියමිත දුම්රිය 6ක් ප්රමාද වන බව දුම්රිය දෙපාර්තමේන්තුව පවසනවා.
විදුලි කාර්මිකයින් පිරිසක් ඊයේ පස්වරුවේ සිට ආරම්භ කර ඇති හදිසි වෘත්තීය ක්රියා මාර්ගය හේතුවෙනුයි මෙම දුම්රිය ප්රමාදය සිදුවන්නේ.
දුම්රිය නියාමකවරයෙකුට පහරදීමේ සිද්ධියක් සම්බන්ධයෙන් දුම්රිය විදුලි කාර්මිකයෙකු අත්අඩංගුවට ගැනීමට විරෝධය පළ කරමින් විදුලි කාර්මිකයන් පිරිස මෙම වෘත්තීය ක්රියා මාර්ගය ආරම්භ කර තිබෙනවා.
මාළිගාවත්ත දුම්රිය අංගනයේදී උප නියාමකවරයෙක් සහ දුම්රිය විදුලි කාර්මික ශිල්පියෙක් අතර පෙරේදා (22) සිදුවූ පහරදීමේ සිද්ධිය සම්බන්ධයෙන් අත්අඩංගුවට ගත් විදුලි කාර්මික ශිල්පියා නිදහස් කරන ලෙස ඉල්ලමින් විදුලි කාර්මික ශිල්පීන් තව දුරටත් වර්ජනය ක්රියාත්මක කරන බව සඳහන්.
මෙම තත්වය හේතුවෙන් මාළිගාවත්ත දුම්රිය අංගනයෙන් පස්වරුවේ දුම්රිය පිටතට ගැනීම සහ රාත්රී තැපැල් දුම්රිය ධාවනය කිරීම ගැටලුවක් බවට පත්ව ඇති බව වාර්තා වනවා.
