වයෝ වෘද්ධ සහ හුදෙකලා වූ දෙමාපියන්ගේ ආරක්ෂාව සම්බන්ධව දැනුවත් කරමින් පොලිසිය නිවේදයක් නිකුත් කර තිබෙනවා.
වයෝවෘද්ධ සහ හුදෙකලා වූ වැඩිහිටියන්ගේ ආරක්ෂාව තහවුරු කිරීම එතරම් අවධානයක් යොමු නොවුන ද එය වර්තමානයේ ඉතාමත් සංවේදී වගේම අත්යවශ්යම කාර්යයක් බව ශ්රී ලංකා පොලිසිය හඳුනාගෙන ඇති බවයි අදාළ නිවේදනයේ දැක්වෙන්නේ.
දරුවන් රැකියාවලට යාම, විදේශගත වීම හෝ වෙනත් පළාත්වල පදිංචි වීම නිසා මෙසේ වැඩිහිටියන් අවදානමකට ලක් වන අවස්ථාවන් පසුගිය දිනවල වාර්තා වී ඇති බව පොලිසිය පවසනවා.
හුදෙකලාව නිවසක සිටින මොවුන් අපරාධකරුවන්ගේ පහසු ඉලක්කයක් විය හැකි බැවින් ඔවුන්ගේ ආරක්ෂාව උදෙසා ගත හැකි ක්රියාමාර්ග පිළිබඳව සැලකිළිමත්වන ලෙසයි පොලිසිය දැනුම් දෙන්නේ.
විශේෂයෙන් මත්ද්රව්ය වලට ඇබ්බැහි වූ පුද්ගලයින් මුදල් සහ රන් බඩු කොල්ලකෑම සඳහා මෙවැනි හුදෙකලා නිවාස ඉලක්ක කර ගනු ලබන බවත් පොලිසිය අවධාරණය කරනවා.
එහිදී ඔවුන්ගේ අපරාධමය අරමුණු සාක්ෂාත් කරගැනීම වෙනුවෙන් ඇතැම් අවස්ථාවන්වලදී ඝාතනයන්ගෙන් අවසන් වන සිදුවීම්ද මෑත කාලීනව ශ්රී ලංකා පොලිසිය නිරීක්ෂණය කරතිබෙනවා.
එවැනි වයෝවෘධ සහ හුදෙකලා වැඩිහිටියන් සිටින නිවාස පිළිබඳ කටයුතු කිරීමේ දී පහත කරුණු සම්බන්ධව අවධානය යොමුකරන ලෙසයි දැනුම් දෙන්නේ.
