හැටන්, සිංගිමලේ රක්ෂිතයට යාබදව පිහිටි, යුකෙලෙප්ස්ටික් වන වගා රක්ෂිතයක ගින්නක් හටගෙන තිබෙනවා.
අද පස්වරු 2ට පමණ එම වන වගා රක්ෂිතයේ ගින්න හටගෙන ඇති බවයි වාර්තා වන්නේ.
ගින්න පැතිර යන රක්ෂිතය වතු සමාගමකට අයත් රක්ෂිතයක් වන අතර, ගින්න වතු කම්කරුවන්ගේ සහය ඇතිව පාලන කරන ලෙසටයි වතු පාලන අධිකාරියට දැනුම් දී ඇත්තේ.
හැටන් ප්රදේශයේ මේ දිනවල පවතින දැඩි වියළි කාලගුණයත් සමඟ කිසියම් පිරිසක් විසින් වන වගා රක්ෂිතයට ගිනි තබන්නට ඇති බව වන අඩවි නිලධාරීන් සැක පළ කරනවා.
රක්ෂිතවලට මෙලෙස ගිනි තබන අය පිළිබඳව තොරතුරු වෙතොත් ළගම ඇති පොලිස් ස්ථානයට හෝ තම කාර්යාලයට දැනුම් දෙන ලෙසයි එම නිලධාරීන් මහජනතාවගෙන් ඉල්ලා සිටියේ.
