නීතිවිරෝධී ලෙස එකලස් කරන ලද වාහනයක් මිරිහාන ප්රදේශයේ නිවසක තිබී සොයා ගැනීමේ සිද්ධිය සම්බන්ධයෙන් තමන්ව අත්අඩංගුවට ගැනීම නීතිවිරෝධී බවට තීන්දු කරන ලෙස ඉල්ලා හිටපු රාජ්ය අමාත්ය ලොහාන් රත්වත්තේ විසින් ඉදිරිපත් කළ රිට් පෙත්සම අද (09) අභියාචනාධිකරණයෙන් ඉල්ලා අස්කර ගත්තා.
අදාළ පෙත්සම අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න මහතා ඉදිරියේ අද (09) කැඳවනු ලැබුවා.
එහිදී ලොහාන් රත්වත්තේ වෙනුවෙන් පෙනී සිටි ජනාධිපති නීතිඥ සංජේ රාජරත්නම්, අභියාචනාධිකරණයට දන්වා සිටියේ තම සේවාදායකයාට මේ වන විට ඇප ලැබී ඇති බවයි.
ඒ, අනුව මෙම පෙත්සම තවදුරටත් පවත්වාගෙන යාමට අපේක්ෂා නොකරන බවත්; එය ඉල්ලා අස්කර ගැනීමට අවසර දෙන ලෙසත් ජනාධිපති නීතිඥවරයා අභියාචනාධිකරණයෙන් ඉල්ලා සිටියා.
අදාළ ඉල්ලීම පිළිගත් අභියාචනාධිකරණය පෙත්සම ඉල්ලා අස්කර ගැනීමට අවසර දුන්නා.
ඔබේ ප්රතිචාරය කුමක්ද ?
+1
+1
+1
1
+1
+1
+1
+1
1
