පසුගිය වසරේ උසස් පෙළ සහ සාමාන්ය පෙළ ඇගයීම් ගාස්තු 2022 උසස් පෙළ විභාගයේ උත්තර පත්ර පරීක්ෂකවරුන් තෝරාගැනීම සඳහා අයදුම්පත් කැඳවා අවසන්වීමට පෙර ගෙවා දැමීමට පියවර ගන්නා ලෙස ලංකා ගුරු සේවා සංගමය, අධ්යාපන අමාත්යාංශයෙන් ඉල්ලීමක් කරනවා.
ලබන ජනවාරි මස පැවැත්වෙන උසස් පෙළ විභාගයේ උත්තර පත්ර ඇගයීම් සඳහා විභාග දෙපාර්තමේන්තුව මේ වන විට අයැදුම්පත් කැඳවා තිබෙන අතර අයැදුම් පත් කළ හැකි අවසන් දිනය මෙම මස 21 වැනිදාය.
ආර්ථික අපහසුතා පමණක් නොව පැවැති ඉන්ධන අර්බුදය හේතුවෙන් පසුගිය විභාගවල උත්තර පත්ර ඇගයීම් කටයුතු වෙනුවෙන් විදුහල්පතිවරුන් හා ගුරුවරුන් විශාල කැප කිරීමක් සිදු කළ බවත් ඔවුන් එම කටයුතු සඳහා වාර්තා කළේ තමන්ගේ වියදමින් බවත් පවසන ලංකා ගුරු සංගමයේ ප්රධාන ලේකම් ජෝශප් ස්ටාලින් හිඟව පවතින දීමනා නොගෙවන්නේ නම් ඉදිරි විභාග කටයුතු අවිනිශ්චිත තත්ත්වයකට පත් වීම නොවැළැක්විය හැකි බවත් විභාග දෙපාර්තමේන්තුවට දැනුම් දී තිබේ.
