ගෝලීය ණය ශ්රේණිගත කිරීමේ ආයතන විසින් ශ්රී ලංකාව C කාණ්ඩයේ රටක් ලෙස වර්ගීකරණය කිරීම ඉහළ අවදානමක් ඇති ණය ශ්රේණියක් බවත්, එවැනි රටකට ණය දීම කොතරම් සුදුසු ද යන්න එමඟින් පිළිබිඹු වන බවත් කොළඹ විශ්ව විද්යාලයේ ආර්ථික විද්යා අධ්යයනාංශයේ ජ්යෙෂ්ඨ මහාචාර්ය සිරිමල් අබේරත්න පවසනවා.
මේක අපි හදා ගත්ත ප්රශ්නයක් නේ මේ අපිට මුහුණ දෙන්න වෙලා තියෙන්නේ. අපි ඇත්ත වශයෙන්ම අමනෝඥ ප්රතිපත්ති කිහිපයක්ම ගෙනවා 2019, ඊට එහාටත් මට යන්න ප්රළුවන්, නමුත් අපි 2019 න් 2020 න් ඔය කෝවිඩ් තත්ත්වය පටන් ගන්න මාස කිහිපයකට කලින් පටන් ගත්තොත්, ඉතාමත් අමනෝඥ ආර්ථික ප්රතිපත්ති, මම හිතන්නේ වෘතීමය දැනුමක් තියන අයගෙන් අහන්නෙවත් නැතුව ගෙනාපු ප්රතිපත්ති කිහිපයක් තියනවා.
මේවා එනකොට අපේ තිබුණ රජයේ තිබුණ මුල්ය තත්ත්වය ඉතාමත් අවාසනාවන්ත ලෙස, අනතුරුදායක ලෙස කඩා වැටුණා. එතකොට මේ ශ්රේණිගත කිරීමේ ආයතන, ජාත්යන්තර ආයතන ලෝකයේ තියනවා, තම තමන්ට සුවිශේෂ වුණු වර්ගීකරණයන් තියනවා. ඒ වර්ගීකරණයන්ට අනුව මේවා ඔක්කොම එක සමාන වෙන්නේ නැහැ. නමුත් සමස්ථයක් වශයෙන් ගත්තහම දළ වශයෙන් ඒවා සමාන මට්ටමක තියනවා.
දැන් ලංකාවේ ණය ශ්රේණිය තිබුනේ B grade එකේ තමයි. ඔය හැම ආයතනයකම 2019 වෙනකොට B grade එකේ. එතකොට ඕකේ තියනවා B+, B, BB, BBB තියනවා, එක එක ආයතන වල හැටියට. එතකොට මේ හැම ආයතනයක්ම 2020 සිට මේක කිහිප වතාවක්ම මේක පහළට දාලා C grade එකට ගෙනාවා. එතකොට දැන් අපි ඉන්නේ C grade එකේ විවිධ categories වල තමයි ලංකාව ඉන්නේ.එහෙම ගෙනාවේ දැන් මේ ණය ශ්රේණිගත කිරීම් වලින් කරන්නේ ණය ශ්රේණි වල සුදුසුකම අවශේෂ ලෝකයට පැහැදිලි කිරීමක්. එතකොට ලංකාව ණය දෙන්න කොච්චර සුදුසු රටක් ද කියන එක තමයි මේකෙන් පෙන්වන්නේ.
එතකොට ඒක පහල යනවා කියන්නේ එච්චර හොඳ සුදුසු රටක් නෙවෙයි මේක ණය දෙන්න. ඉතින් C වලට එනවා කියලා කියන්නේ අපි ඕකට කියන්නේ Junk status මේකේ අවදානම වැඩි මේ වගේ රටකට ණය දෙනවා කියන එක. ඒක දැන් අපිට පැහැදිලි නේ. අපට දැන් ණය ගෙවන්න බැහැ කියන මට්ටමට අපි දැන් ජාත්යන්තරව ප්රකාශ කරලා ඉවරයි. ඉතින් එතකොට අපිට පේනවා පැහැදිලිවම ඒ කාලේ ගොඩක් අය තර්ක කළා, ඔයගොල්ලෝ මේ කියන දේ වැරදි අපි එහෙම වැටිලා නෑ කියලා ගොඩක් අය තර්ක කළා. හැබැයි අන්තිමට අපි මේ වන විට ණය ශ්රේණිගත කිරීමේ ආයතන එදා කියපු පහළට දැමීමේ ශ්රේණිගත කිරීම හරි කියන එක පැහැදිලි වෙලා තියනවා.
