අනවශ්ය දේශපාලන මැදිහත් වීම්වලින් තොරවීම රේගුවේ රුපියල් ට්රිලියනයේ ආදායම් ජයග්රහණයට හේතුවක් බව ශ්රී ලංකා රේගු අධිකාරියේ රේගු අධ්යක්ෂ ජනරාල් සරත් නෝනිස් පවසනවා.
ඉතිහාසයේ පළමු වතාවට ශ්රී ලංකා රේගුව රුපියල් ට්රිලියනයක ආදායමක් වාර්තා කිරීම සඳහා එම නිලධාරීන්ට ස්වාධීනව කටයුතු කරගෙන යාමට දේශපාලන අධිකාරිය විසින් අවශ්ය පසුබිම නිර්මාණය කර තිබීම මෙම ජයග්රහණයට බලපෑ ප්රධාන හේතුවක් බවයි රේගු අධ්යක්ෂ ජනරාල්වරයා පැවසුවේ.
ඒ මහතා පෙන්වා දෙන්නේ බඳවා ගැනීම් සම්බන්ධයෙන් හෝ වරදකරුවන්ට දඩ අවම කිරීම හෝ මුදා හැරීම සම්බන්ධයෙන් කිසිදු දේශපාලන මැදිහත්වීමක් මුදල් අමාත්යවරයා ලෙස ජනාධිපතිවරයාගෙන් හෝ රාජ්ය අමාත්යවරයා ලෙස රංජිත් සියඹලාපිටියගෙන් එල්ල වී නොමැති බවයි.
රුපියල් ට්රිලියනක වාර්තාගත ආදායමක් ලබා ගැනීම වෙනුවෙන් අද (10) පෙරවරුවේ ශ්රී ලංකා රේගු මූලස්ථානයේ පැවැති උත්සවයක් අමතමින් ඒ මහතා මේ බව කියා සිටියා.
අවශ්ය අවස්ථාවල දී ගැටලු විසඳා ගැනීමට මැදිහත් වීමට මුදල් රාජ්ය අමාත්ය රංජිත් සියඹලාපිටිය මහතා හැකි උපරිම ආකාරයෙන් කටයුතු කරමින් වඩාත් සුහදව කටයුතු කළ බව ද හෙතෙම පෙන්වා දුන්නා.
වසරේ රේගුවේ ආදායම් ඉලක්කය වන රුපියල් බිලියන 1537 වෙත ළගා වීමට රේගුව හැකියාව ලැබෙනු ඇතැයි විශ්වාසය පළ කළ නෝනිස් මහතා මේ සියලු කටයුතු වෙනුවෙන් කැපවීමෙන් ක්රියා කළ නිලධාරීන්ට, වෘත්තීය සමිති නියෝජිතයන්ට සේම ජනතාවට තමන් අතිශයින් කෘතඥ වන බවයි පැවසුවේ.
wpDiscuz
