අත්අඩංගුවට ගන්නා ලෙස වරෙන්තු නිකුත් කරනු ලැබ සිටි රාජ්ය අමාත්ය සනත් නිශාන්ත අධිකරණය හමුවේ පෙනී සිටීමෙන් පසු තදින් අවවාද කිරීමෙන් අනතුරුව මුදාහැරීමට අභියාචනාධිකරණය අද (13) නියෝග කළා.
මින් පසු සෑම නඩු දිනයකට අධිකරණයට පැමිණෙන ලෙසත් අභියාචනාධිකරණ විනිසුරුවරයා රාජ්ය අමාත්යවරයාට මෙහිදී අවවාද කර සිටියා.
අධිකරණයට අපහාස කිරීමේ චෝදනාව සම්බන්ධයෙන් අද (13) දිනයේ අධිකරණය හමුවේ පෙනීසිට කරුණු දක්වන ලෙස දන්වා අභියාචනාධිකරණය විසින් පසුගිය දා සනත් නිශාන්ත රාජ්ය අමාත්යවරයාට සිතාසි නිකුත් කරනු ලැබුවා.
කෙසේ වෙතත් ඔහු අධිකරණය හමුවේ අද දින පෙනී නොසිටීම හේතුවෙන් අභියාචනාධිකරණය පොලිස්පතිවරයාට නියෝග කළේ රාජ්ය අමාත්යවරයා අත්අඩංගුවට ගෙන අධිකරණය වෙත ඉදිරිපත් කරන ලෙසයි.
ශ්රී ලංකා පොදු ජන පෙරමුණු පක්ෂ මූලස්ථානයේ පැවැති ප්රවෘත්ති සාකච්ඡාවක දී අධිකරණය විසින් ලබා දෙන තීන්දු පිළිබඳ දැක් වූ අදහසක් හේතුවෙන් ඔහුට එරෙහිව චෝදනා එල්ල වී තිබුණා.
