මෙරට තුල ඉතා සීඝ්රයෙන් විද්යුත් දුම්වැටි උවදුරක් ලෙසින් ව්යාප්ත වෙමින් පවතින බව ශ්රී ලංකා සුරාබදු දෙපාර්තමේන්තුව පවසනවා.
සුරාබදු කොමසාරිස් ජනරාල් එම්.ජී.ගුණසිරි අද (11) පෙරවරුවේ මේ බව පැවසුවේ ජා – ඇළ විශේෂ සුරාබදු වැටලීම් ඒකකය මගින් අත්අඩංගුවට ගත් රුපියල් ලක්ෂ පහක් පමණ වටිනා විද්යුත් දුම්වැටි තොගයක් පරීක්ෂා කිරීමට එක් වෙමින්.
මේ වනවිට මෙරට අගනුවර කේන්ද්ර කර ගත් තදාසන්න ප්රදේශ වල මෙම විද්යුත් දුම්වැටි වයස අවුරුදු 40 ට අඩු පුද්ගලයින් සහ පාසැල් සිසුන් අතර භාවිතා වන බවට විමර්ශන වලදී අනාවරණය වී ඇති බවයි ඔහු තවදුරටත් සදහන් කළේ.
එමෙන්ම රත්නපුර ප්රදේශයේ ජනප්රිය පාසැලක සිසුවෙකු , මෙවැනි විද්යුත් දුම්වැටියක් තම පාසැල තුළට රැගෙන විත් ,එක් වාරයක් දුම්පානය කිරීම සදහා රුපියල් 20ක මුදලක් අය කර ගෙන ඇති බව පැමිණිළි කර ඇති බව ද වාර්තා වනවා.
මෙය ක්ෂණිකව හදුනා ගැනීමට නොහැකි වීම හේතුවෙන් අදාළ දුම්වැටි මර්දනය කිරීම ද අපහසු වී ඇති බවයි සුරාබදු කොමසාරිස් ජනරාල්වරයා වැඩිදුරටත් ප්රකාශ කළේ.
