ජාත්‍යන්තර සංගීත ක්ෂේත්‍රයේ ශ්‍රී ලංකාවේ සලකුණ ඉහලින්ම තැබූ යොහානි එම පියවරේ තවත් කඩඉමක් ඊයේ (22)දින පසුකළා.
ඒ, ජාත්‍යන්තරයේ සංගීත දර්ශකවල ප්‍රමුඛ ස්ථාන අතරට සිය ගීත රැගෙන ගිය “එඩ්වඩ් මායා” සමග එක්ව සිදුකළ නවතම ගීතය Youtube සමාජ මාධ්‍ය ජාලය හරහා ප්‍රේක්ෂකයින්ගේ රස වින්දනය සඳහා නිකුත් කිරීමත් සමගයි.
1993 වසරේදී උපන් යොහානි දිලෝකා ද සිල්වා “මැණිකේ මගේ හිතේ” ගීතයෙන් බොලිවුඩය ආක්‍රමණය කළේ ක්ෂණයකින්.
ඇයගේ ගායනය පිළිබඳ තැබූ සටහනක් ද සමගින් ප්‍රවීන රංගන ශිල්පී අමිතාබ් බච්චන් එම ගීතය සිය සමාජ මාධ්‍ය ගිණුම්වල තැබීමත් සමග ඇයට බොලිවුඩයේම අවධානය යොමු වුණා.
ඉන් අනතුරුව ඇය ඉන්දීය සංගීත ශිල්පීන් සමග නිර්මාණ රැසකට දායක වූ අතර, ඇය එහිදී එතෙක් මෙතෙක් ශ්‍රී ලාංකීය ඉතිහාසය තුළ මෙරට සංගීත ශිල්පියෙකුට ළඟාවීමට නොහැකි වූ කඩඉමක් ස්පර්ශ කළා.
යොහානිට ශ්‍රී ලංකාව තුළ වැඩි වශයෙන් Hate fan base එකක් පැවතියත්, ඇයගේ සිය හැකියාව තුළින් මේ වනවිට තමන්ගේ මාර්ගය ලොවට පෙන්වා තිබෙනවා.
Billboard Awards Winner කෙනෙක් වන Edward Maya කියන්නේ ජාත්‍යන්තර සංගීත ක්ෂේත්‍රයේ සිය රටාවේ හිනිපෙත්තේ සිටින සංගීත ලෝක ප්‍රසිද්ධ සංගීතඥයෙක්.
Edward Maya ගේ & quot;Stereo Love” ගීතය එක්සත් ජනපදයේ Billboard සංගීත දර්ශකයට මෙන්ම යුරෝපයේ සංගීත දර්ශකවලද මුල් තැන ගත්තා.
ඉතිං මේ Edward Maya සමග යොහානි කරපු ගීතය ඊයේ Youtube සමාජ මාධ්‍ය ජාලය හරහා ඊයේ නිකුත් කළා.
යොහානි සමග Edward Maya සිදුකළ Diamonds ලෙසින් නම් කෙරුණු ගීතය ඊයේ (22)දින රසිකයින් වෙත නිකුත් කෙරුණු අතර, එම ගීතයේ පද රචනාවට සිංහල වදන් කිහිපයක්ද එක් කර තිබීම විශේෂත්වයක්.
එසේම, එය සංගීත කැටගරියේ ට්‍රෙන්ඩින් ලැයිස්තුවේ 26 වන ස්ථානයේ පත්ව තිබෙනවා.
