යුද හමුදා ඩිෆෙන්ඩර් රථයක් අනතුරකට ලක්ව නිලධාරියෙක් ජීවිතක්ෂයට (ඡායාරූප)

යුද හමුදාවට අයත් ඩිෆෙන්ඩර් රථයක් ගසක ගැටී අද (22) අලුයම සිදු වූ අනතුරකින් හමුදා නිලධාරියෙක් ජීවිතක්ෂයට පත්ව තවත් තිදෙනෙක් තුවාල ලබා තිබෙනවා.

පොලිසිය පැවසුවේ පොළොන්නරුව, කන්දකාඩු, මුතුවැල්ල හන්දියේ දී රථය මෙලෙස අනතුර ලක්ව ඇති බවයි.

අනතුරින් මියගොස් ඇත්තේ විශේෂ කාර්ය බලකායේ නිලධාරියෙක් වන අතර, තුවල ලැබූවන් වැලිකන්ද රෝහලට ඇතුළත් කර ඇති බවයි වාර්තා වුණේ.

ත්‍රිකුණාමලය මංකි බිච් 04 වන විශේෂ බලකාය කඳවුරේ සිට මාදුරුඔය විශේෂ බලකා කඳවුර වෙත ගමන් කරමින් සිටිය දී ඩිෆෙන්ඩර් රථය පාරෙන් ඉවතට පැන අසල ගසක ගැටීමෙන් මෙම අනතුර සිදුව තිබෙනවා.