කළුතර ප්රධාන බස් නැවතුම්පොලේ සිට නුවරඑළිය දක්වා ගමන් ආරම්භ කළ බස් රථයට දිවවිත් ගොඩවීමට උත්සාහ කළ පුද්ගලයකු එම බසයටම යටවීමෙන් අද සවස මියගොස් තිබෙනවා.
මෙලෙස මියගොස් ඇත්තේ කටුකුරුන්ද ශ්රී ධර්මාරාම පාරේ පදිංචිව සිටි පුද්ගලයෙක්.
ඔහු අදාළ බස් රථය කළුතර ප්රධාන බස් නැවතුම්පොලෙන් පිටත්වීමට සූදානම් වීමේදී ඉදිරිපස දොරටුවෙන් ගොඩවීමට උත්සාහ දරා ඇති අතර පය ලිස්සා බිම ඇද වැටී ඉදිරිපස වම් රෝදයට යටවී ඇති බවට පොලිස් පරීක්ෂණවලදී තහවුරුවී තිබෙනවා.
අනතුර සම්බන්ධයෙන් බස් රථයේ රියදුරු අත්අඩංගුවට ගෙන ඇති අතර ඔහු කළුතර මහේස්ත්රාත් අධිකරණයට ඉදිරිපත් කිරීමට නියමිතයි.
