හොරණ පොලිස් වසමේ හොරණ – මොරගහහේන මාර්ගයේ කනන්විල ප්රදේශයේ දී යතුරුපැදියක් ටිපර් රථයක ගැටී අද (19) අලුයම අනතුරක් සිදුව තිබෙනවා.
මොරගහහේන දෙසට ධාවනය වූ යතුරුපැදියක් එහි පැදිකරුට පාලනය කර ගැනීමට නොහැකිව විරුද්ධ දෙසින් පැමිණි ටිපර් රථයේ ගැටී මෙම අනතුර සිදුව ඇති බවයි පොලිසිය පැවසුවේ.
මෙම අනතුරින් බරපතල තුවාල ලැබූ පැදිකරු හා පසුපැදිකරු හොරණ රෝහලට ඇතුළත් කර ඇති අතර, ඒ වනවිටත් ඔවුන් දෙදෙනා මියගොස් ඇති බවයි වාර්තා වුණේ.
මෙලෙස මියගොස් ඇත්තේ අවුරුදු 17 සහ 25 යන වයස්වල පසු වූ කිරිවත්තුඩුව හා පන්නිපිටිය ප්රදේශවල පදිංචිව සිටි තරුණයින් දෙදෙනෙක්.
මොවුන් දෙදෙනා හොරණ ප්රදේශයේ පැවති සංගීතයක් නරඹා නැවත නිවෙස් බලා යමින් සිටියදී මෙම අනතුරට ලක්ව තිබුණා.
අනතුර සම්බන්ධයෙන් ටිපර් රථ රියදුරු අත්අඩංගුවට ගෙන ඇති අතර, හොරණ පොලිසිය විසින් වැඩිදුර විමර්ශන සිදුකරනු ලබනවා.
ඔබේ ප්රතිචාරය කුමක්ද ?
+1
+1
+1
1
+1
1
+1
6
+1
1
+1
1
