මෙරට කාන්තාවන්ගෙන් 50%ක් පමණ ස්ථූලතාවයෙන් පෙළෙන බව ශ්‍රී ලංකා පෝෂණ විශේෂඥ වෛද්‍යවරුන්ගේ විද්‍යායතනය පවසනවා.
එහි සභාපති වෛද්‍ය තිමති වික්‍රමසේකර පැවසුවේ; ළමුන් අතර ද ස්ථුලතාව ඉහළ යමින් පවතින බවයි.
සමාජයේ බොහෝ දෙනෙක් ස්ථූලතාව ගැන අමතක කර ඇති බවත් මන්දපෝෂණය ගැන පමණක් සිතන බවත් වෛද්‍ය වික්‍රමසේකර සඳහන් කරනවා.
ස්ත්‍රී ස්ථුලතාව සේ ම ළමා ස්ථුලතාවත් ඉහළ යමින් පවතින බවයි හෙතෙම පෙන්වාදෙන්නේ.
කාන්තාවන්ගෙන් සියයට 50කට ආසන්න ප්‍රමාණයක් අධි බර සහ ස්ථුලතාවයෙන් පෙළෙන බවත්; ඒවා හඳුනාගැනීම සඳහා අලුත් පර්යේෂණ දත්ත පද්ධතියක් මෙරටට අවශ්‍ය බව ද වෛද්‍ය තිමති වික්‍රමසේකර අවධාරණය කරනවා.
මේ වන විට මෙරට මන්දපෝෂණ තත්ත්වය අඩු වුව ද අධි පෝෂණය ඉහළ ගොස් ඇති බවයි වෛද්‍යවරයා වැඩිදුරටත් කියා සිටියේ.
