කන්කසන්තුරය සිට මන්නාරම හරහා හලාවත දක්වා සහ මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ වල සුළගේ වේගය විටින් විට පැ.කි.මී. 50-60 දක්වා වැඩි වන අතර එම මුහුදු ප්රදේශ විටින් විට රළු විය හැකි බව කාලගුණ විද්යා දෙපාර්තමේන්තුව පවසනවා.
හෙට (21) පෙරවරු 10.30 තෙක් වලංගු වන පරිදි අවවාදාත්මක නිවේදනයක් නිකුත් කරමින් කාලගුණ විද්යා දෙපාර්තමේන්තුව මේ බව දැනුම් දෙනවා.
මීගමුව සිට ගාල්ල සහ මාතර හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ වල මුහුදු රළ උස මීටර් 2.5-3.0ක් පමණ ඉහළ යාමේ හැකියාවක් පවතින බවත් නිවේදනයේ සඳහන්.
මෙම වෙරළබඩ ප්රදේශවල මුහුදු රල ගොඩබිමට පැමිණීමේ හැකියාවක්ද පවතින බව ද කාලගුණ විද්යා දෙපාර්තමේන්තුව පවසනවා.
එබැවින් ධීවර සහ නාවික ප්රජාව මේ පිළිබඳව අවධානයෙන් කටයුතු කරන ලෙස එම දෙපාර්තමේන්තුව ඉල්ලා සිටිනවා.
