බෙංගාල බොක්ක මුහුදු ප්රදේශයේ යාත්රා කරන බහුදින ධීවර යාත්රාවලට සහ දිවයිනේ නැගෙනහිර නොගැඹුරු මුහුදු ප්රදේශ සඳහා කාලගුණ විද්යා දෙපාර්තමේන්තුව අවවාදාත්මක නිවේදනයක් නිකුත් කර තිබෙනවා.
තද සුළං, තද වැසි සහ රළු මුහුදු ප්රදේශ පිළිබඳ අවවාදාත්මක නිවේදනයක් නිකුත් කරමින් කාලගුණ විද්යා දෙපාර්තමේන්තුව ධීවර හා නාවික ප්රජාවට දැනුම් දෙන්නේ, උතුරු අක්ෂාංශ 05ත් 15ක් සහ නැගෙනහිර දේශාංශ 80-95ත් අතර මුහුදු ප්රදේශවල නැවත දැනුම් දෙනතුරු ධීවර සහ නාවික කටයුතුවලින් වැළකී සිටින ලෙසයි.
මේ වන විටත් එම ප්රදේශ ආශ්රිතව ධීවර කටයුතුවල යෙදී සිටී නම් එම මුහුදු ප්රදේශවලින් හැකි ඉක්මනින් ඉවත්වන ලෙසත් එම දෙපාර්තමේන්තුව දැනුම් දෙනවා.
එම දෙපාර්තමේන්තුව නිකුත් කළ නිවේදනයේ සඳහන් වන්නේ නැවත දැනුම්දෙන තුරු කන්කසන්තුරය සිට ත්රිකුණාමලය හරහා මඩකලපුව දක්වා වෙරළට ඔබ්බෙන් වන නොගැඹුරු මුහුදු ප්රදේශ ආශ්රිතව ධීවර සහ නාවික කටයුතුවලින් වැළකී සිටින ලෙසයි.
මේ අතර ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන නොගැඹුරු මුහුදු ප්රදේශ ආශ්රිතව ධීවර සහ නාවුක කටයුතුවල යෙදෙන ප්රජාව, මේ පිළිබඳව අවධානයෙන් පසුවන ලෙස ඉල්ලා සිටිනවා.
