ජනාධිපති ගෝඨාභය රාජපක්ෂ මහතාගේ මිරිහානේ පිහිටි පෞද්ගලික නිවස ඉදිරිපිටදී කලහකාරීව හැසිරීම හා දේපල වලට අලාභ හානි සිදු කළේ යැයි කියන සිද්ධියක් සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි සැකකරුවන් තිස් එක් දෙනෙකු නුගේගොඩ මහේස්ත්රාත් අධිකරණයට ඊයේ ඉදිරිපත් කිරීමෙන් අනතුරුව ඇප මත මුදාහැරීමට නුගේගොඩ ප්රධාන මහෙස්ත්රාත් ප්රසන්න අල්විස් මහතා නියෝග කරනු ලැබුවා.
මේ අතර සැකකරුවන් තිස් එක් දෙනා සාක්ෂි කරුවන් දස දෙනෙකුගේ මාර්ගයෙන් හඳුනාගැනීමේ පෙරට්ටුවකට ඉදිරිපත් කළ අතර එහිදී කිසිදු සැකකරුවෙකු හඳුනා ගැනීමට සාක්ෂිකරුවන්ට හැකියාව නොලැබුණා.
ඒ අනුව හඳුනාගැනීමේ පෙරට්ටුවට ඉදිරිපත් කළ සැකකරුවන් සියලු දෙනා ඇප මත මුදා හැරීමට මහේස්ත්රාත්වරයා නියෝග කර සිටියා.
එසේම අධිකරණයට ඉදිරිපත් කර සිටි සැකකරුවන්ට පහර දී ඇති බවත් ඔවුන්ගේ දේපළ අස්ථානගත වි ඇති බවත් ඒ සම්බන්ධයෙන් විමර්ශනයක් සිදුකොට සාධාරණයක් ඉටු කරන ලෙසට සැකකරුවන් වෙනුවෙන් පෙනී සිටි නීතිඥයින් අධිකරණයෙන් ඉල්ලා සිටි අවස්ථාවේදී මහේස්ත්රාත්වරයා නියෝග කළේ , ඒ සම්බන්ධයෙන් විධිමත් විමර්ශනයක් සිදුකොට වාර්තාවක් අධිකරණයට ඉදිරිපත් කරන ලෙසයි.
මේ අතර ඉදිරියේදී මෙවන් වැරදි සිදු නොකරන ලෙසට සැකකරුවන්ට එරෙහිව නියෝගයක් නිකුත් කරන ලෙසට පොලිසිය අධිකරණයෙන් ඉල්ලා සිටි අවස්ථාවේදී මහේස්ත්රාත්වරයා පවසා සිටියේ එවන් නියෝගයක් ලබා දුනහොත් නිර්දෝෂීභාවයේ පූර්ව නිගමනය උල්ලංඝනය වන බවයි.
ඒ අනුව පොලිසිය කළ ඉල්ලීම අධිකරණය ප්රතික්ෂේප කළේ.
මෙම නඩුව සඳහා ජනාධිපති නීතිඥ කාලිංග ඉන්ද්රතිස්ස , සරත් ජයමාන්න , අතුල එස් , රණගල මහතා ඇතුළු නීතිඥ කණ්ඩායමක් අධිකරණයට කරුණු ඉදිරිපත් කළේය .
මෙම නඩුව මැයි 13 දා යළි කැඳවීමට නියමිතය.
