මැදපෙරදිග මතුව තිබෙන යුදමය තත්ත්වය ඉදිරි සති කිහිපය ඇතුළත සමනයකට පත් නොවුන හොත් මැයි මාසයට අදාළව සිදුකරන ඉන්ධන මිල සංශෝධනයේ දී දරාගත නොහැකි ආකාරයේ මිල ඉහළ යෑමක් සිදුවිය හැකි බව අමාත්ය නලින්ද ජයතිස්ස පවසනවා.
ඉන්ධන මිල ඉහළ දැමීම සම්බන්ධයෙන් රජයේ ප්රවෘත්ති දෙපාර්තමේන්තුවේ අද (22) දහවල් පැවති ප්රවෘත්ති සාකච්ඡාවේ දී අමාත්යවරයා මේ බව සඳහන් කළා.
කෙසේ වෙතත් අමාත්යවරයා වැඩිදුරටත් පවසා සිටියේ ළඟ ළඟ තෙල් මිල වැඩි කිරීමේ කිසිම සූදානමක් රජයට නොමැති බවයි.
මේ අතර පවතින තත්ත්වය හමුවේ ඉන්ධන පරිභෝජනය අවම කිරීමේ අරමුණින් පාසල් පැවැත්වීම සීමාකිරීමට තීරණයක් ගෙන ඇත්දැයි මාධ්යවේදීන් අමාත්යවරයාගෙන් මෙහිදී විමසා සිටියා.
ඊට පිළිතුරු ලබාදෙමින් අමාත්යවරයා සඳහන් කළේ එවැනි කිසිදු තීරණයක් රජය මෙතෙක් ගෙන නොමැති බවයි.
නියමිත පරිදි වාර අවසන් කිරීමට ඇත්තේ අප්රේල් මස 10 වන දින බවත් ඒ දකවා බදාදා දිනයන්වල දී පමණක් පාසල් නොපැවැත්වීමට ගෙන ඇති තීරණය තුළ කටයුතු කරන බවයි ඔහු පැවසුවේ.
එමෙන්ම සාමාන්ය පෙළ සහ උසස් පෙළ විභාග සම්බන්ධයෙන් පසුගිය කාලය පුරා ඇතිව තිබූ අවිනිශ්චිතභාවය ගුරුවරුන්ට මෙන්ම දරුවන්ට පීඩාකාරී වූ බැවින් හැකිතාක් දුරට සතියකට පාසල් දින 04ක් පැවැත්වීමට අපේක්ෂා කරන බවත් අමාත්යවරයා වැඩිදුරටත් සඳහන් කළා.
