මාලිමාවේ විරෝධතාව අතර තුර රෝහල් ගතකළ පිරිස බලන්න පක්ෂයේ ප්‍රබලයින් ජාතික රෝහලට (ඡායාරූප)

ජාතික ජන බලවේගය විසින් ඊයේ (26) දින සංවිධානය කළ විරෝධතාවට පොලිසිය විසින් ජල සහ කඳුළු ගෑස් ප්‍රහාරයක් එල්ල කළා.

එහිදී විරෝධතාකරුවන් 28 දෙනෙකු තුවාල ලබා කොළඹ ජාතික රෝහලට ඇතුළත් කෙරුණා.

එලෙස රෝහල් ගතකළ පිරිසගේ සුවදුක් විමසා බැලීමට එම පක්ෂයේ නායකයින් කිහිප දෙනෙක් ඊයේ (26) පස්වරුවේම කොළඹ ජාතික රෝහල වෙත ගොස් ඇති බවයි වාර්තා වුණේ.

එම පක්ෂයේ පාර්ලිමේන්තු මන්ත්‍රී විජිත හේරත්, හිටපු පාර්ලිමේන්තු මන්ත්‍රී වෛද්‍ය නලින්ද ජයතිස්ස ඇතුළු කිහිප දෙනෙක් මෙලෙස ජාතික රෝහලට ගොස් ඇති බව සඳහන්.