මාලදිවයින් ජනාධිපති මොහොමඩ් මුයිසු නිල සංචාරයක් සඳහා අද (03) දිනයේ මෙරටට පැමිණීමට නියමිතව තිබෙනවා.
ජනාධිපති අනුර කුමාර දිසානායකගේ ආරාධනයක් මත දිවයිනට පැමිණෙන මාලදිවයින් ජනාධිපතිවරයා ලබන 06 වනදා දක්වා මෙරට රැඳී සිටීමට නියමිතයි.
මාලදිවයින් ජනාධිපතිවරයාගේ මෙම සංචාරය තුළ දෙරට අතර දිගුකාලීන මිත්රත්වය හා සහයෝගීතාව තවදුරටත් ශක්තිමත් කිරීම සම්බන්ධයෙන් ජනාධිපති අනුර කුමාර දිසානායක සමඟ ද්වීපාර්ශවික සාකච්ඡා පැවැත්වීමට නියමිතව තිබෙනවා.
එමෙන්ම දෙරට අතර සහයෝගීතාව වර්ධනය කරමින් අවබෝධතා ගිවිසුම් 06කට ද අත්සන් තැබීම ද මෙරට සංචාරයේදී සිදු කිරීමට නියමිතයි.
2023 වසරේ දී ජනාධිපති ධුරයට පත්වීමෙන් අනතුරුව මොහොමඩ් මුයිසු ජනාධිපතිවරයා ශ්රී ලංකාවේ සිදුකරන පළමු සංචාරය මෙය වීම විශේෂත්වයක්.
මේ අතර රුසියානු සෞඛ්ය අමාත්ය මිහායිල් මුරාෂ්කෝ ඇතුළු නියෝජිත පිරිසක් තෙදින නිල සංචාරයක් සඳහා අද (03) දිවයිනට පැමිණීමට නියමිතව තිබෙනවා.
