මහියංගනය මාපාකඩ වැවේ දිය නෑමට ගිය වෛද්යවරුන් දෙදෙනෙකුගෙන් එක් අයෙක් දියේ ගිලීමෙන් ඊයේ (14) පස්වරුවේ ජීවිතක්ෂයට පත්ව තිබෙනවා.
මහියංගනය සහ කරවනැල්ල රෝහල්වල සේවය කළ වෛද්යවරුන් දෙදෙනෙක් මාපාකඩ වැවේ දිය නාමින් සිටිය දී එක් වෛද්යවරයෙක් දියේ ගිලීමෙන් පසු ප්රදේශවාසීන් විසින් බේරාගෙන මහියංගනය රෝහල වෙත ඇතුළත් කර ඇති බවයි වාර්තා වුණේ.
කෙසේ වෙතත් ඔහු රෝහල් ගතව ප්රතිකාර ලබමින් සිටිය දී මෙලෙස අවාසනාවන්ත ලෙස ජීවිතක්ෂයට පත්ව තිබෙනවා.
මෙලෙස ජීවිතක්ෂයට පත්ව ඇත්තේ දිවුලපිටිය ප්රදේශයේ පදිංචිව සිටි මහියංගනය රෝහලට අනියුක්තව සේවය කළ 31 හැවිරිදි වෛද්යවරයෙක් බවයි පොලිසිය පැවසුවේ.
සිද්ධිය සම්බන්ධයෙන් මහියංගනය පොලිසිය වැඩිදුර විමර්ශන සිදුකරනවා.