හිටපු ජනාධිපති මහින්ද රාජපක්ෂට ලබා දී තිබූ වෙඩි නොවදින ආරක්ෂිත මෝටර් රථය ඊයේ (04) දිනයේ යළිත් භාර දී තිබෙනවා.
ඊට අමතරව හිටපු ජනාධිපතිවරයාගේ ආරක්ෂක නිලධාරීන් ගමන් ගන්නා රථය ද යළි භාරදීමට කටයුතු කළ බවයි හිටපු ජනාධිපති මහින්ද රාජපක්ෂගේ නිල මාධ්ය ප්රකාශක නීතිඥ මනෝජ් ගමගේ පැවසුවේ.
අද (04) පෙරවරුවේ මාධ්ය හමුවක් පවත්වමින් නීතිඥ මනෝජ් ගමගේ පැවසුවේ මෙම තත්ත්වයත් සමඟ හිටපු ජනාධිපතිවරයාගේ ආරක්ෂාව සම්බන්ධයෙන් බරපතළ ගැටළුවක් මතුව ඇති බවයි.
එමෙන්ම හිටපු ජනාධිපතිවරයාගේ ආරක්ෂක නිලධාරීන්ට ගමන් ගැනීමට මේ වනවිට රථයක් ද නොමැති බව ඔහු මෙහිදී සඳහන් කළා.
මේ අතර එළඹෙන සතියේ දී ආරක්ෂක ලේකම්වරයා, පොලිපතිවරයා ඇතුළු ආරක්ෂක ප්රධානීන් හමුවී මෙම තත්ත්වය පිළිබඳව පැහැදිලිකර හිටපු ජනාධිපතිවරයාගේ ආරක්ෂාවට සම්බන්ධ රථ යළි ලබාගැනීමට ලිඛිතව ඉල්ලීමක් කරන බව ද ඔහු වැඩිදුරටත් පැවසුවා.
ජනාධිපතිවරුන්ගේ හිමිකම් ඉවත් කිරීමේ පනත ක්රියාත්මකවීමත් සමඟ හිටපු ජනාධිපති මහින්ද රාජපක්ෂගේ නිල වාහන සහ නිල නිවස රජයට භාරදෙන ලෙස ජනාධිපති ලේකම්වරයා දැනුම් දී තිබුණා.
මම හිතන්නේ නැ ඔය කියන් තරම් තර්ජනයක් ශිරන්තිගෙන් තියේවි කියලා?